Haradzienku z chatniaj chimii buduć sudzić paŭtorna. Za «paklop na Łukašenku» joj pahražaje da 6 hadoŭ
Natallu Antonavu zatrymali padčas rejda na salidarnych z palitviaźniami i, padobna, niešta znajšli ŭ jaje hadžetach.
Natalli Antonavaj 64 hady. Jana z Hrodna. Natalla handlavała vyrabami sa skury i futra dy kupalnikami ŭ handlovym centry ŭ Hrodnie.
Natallu ŭpieršyniu zatrymali 17 listapada 2022 hoda. Jaje vinavacili va ŭdziele ŭ paślavybarčych pratestach u Hrodnie. Tady Antonavaj prysudzili try hady chatniaj chimii.
Nastupny raz jaje zatrymali padčas rejdu na salidarnych z palitviaźniami ŭ studzieni 2024 hoda.
Spačatku pravaabaroncy mierkavali, što Natallu Antonavu vinavaciać u zdradzie dziaržavie, ale heta viersija nie paćvierdziłasia. Viadoma, što paśla jaje vypuścili, ale ŭ lutym 2024 hoda aryštavali za «parušeńnie režymu» i bolš nie vypuścili.
Natallu Antonavu abvinavačvajuć pa dvuch artykułach Kryminalnaha kodeksa — «paklop na Łukašenku» (č. 2 art. 367 KK) i «raspalvańnie varožaści» (č. 1 art. 130 KK). Sud nad žančynaj pačniecca 4 kastryčnika 2024 hoda ŭ Hrodzienskim abłasnym sudzie. Joj pahražaje da šaści hadoŭ kałonii.
Sudzić jaje budzie Alaksandr Kozieł, jaki raniej pracavaŭ u sudzie Karelickaha rajona.
«Naša Niva» — bastyjon biełaruščyny
PADTRYMAĆStała viadoma, jakija katehoryi ludziej pakinuli za kratami paśla apošniaj abłavy na salidarnych z palitviaźniami
Dziaŭčynu, jakaja vučyłasia ŭ Varšaŭskim univiersitecie i doŭhi čas žyła ŭ Polščy, aryštavali za dapamohu palitviaźniam
Jak zaścierahčy siabie ŭ VK, Facebook i «Adnakłaśnikach» — padrabiazny hajd
Kamientary