Brytanskaja raźviedka apublikavała svaju acenku rasijskich strat: 610 tysiač zabitymi i paranienymi
Adnak nie tłumačycca, jak atrymana hetaja ličba i kolki ŭ joj prypadaje na zabitych i paranienych, piša Bi-bi-si.
Wall Street Journal raniej u aŭtorak nazvała svaju acenku rasijskich strat u 200 tys.zabitych i 400 tys. paranienych, spasyłajučysia na «zachodnija» raźviedki. Krynicy ŭ raźviedvalnaj supolnaści ZŠA ŭ presie časta i abaznačajucca jak amierykanskija, z brytanskimi takoje nazirajecca značna radziej.
Brytanskaja raźviedka piša, što šyrokaje prymianieńnie taktyki masavych piachotnych šturmaŭ robić rasijskaje vojska zaležnym ad pastajannaha prytoku rekrutaŭ. Miž tym, u 2024 hodzie tempy naboru rekrutaŭ, vierahodna, źnizilisia. Letaś rasijskija aficyjnyja asoby publična kazali pra toje, što štodnia nabirajecca pa 1600 čałaviek, u hetym — usiaho pa 1000 čałaviek, piša raźviedka. Pry hetym sami pa sabie hetyja ličby, vierahodna, da niejkaj stupieni zavyšanyja (słova «vierahodna» vyznačajecca jak vierahodnaść ad 55% da 75%).
U žniŭni rasijskaje Ministerstva abarony pavysiła adnarazovyja vypłaty pry padpisańni kantraktu. Pavodle acenak (krynica acenak Vyviedka nie pakazvaje), sa studzienia pa červień vypłaty vajskoŭcam skłali 8% usich vydatkaŭ rasiejskaha fiederalnaha biudžetu.
Razam z tym, pavyšeńnie vypłat, vierahodna (u pakazanym terminałahičnym sensie), dazvolić padtrymać uzrovień naboru kantraktnikaŭ da kanca hoda, miarkuje brytanskaja vyviedka.
Kamientary