U Krasnajarskim krai pamierła čaćviortaje dzicia, što atruciłasia pielmieniami
Pamierła 12-hadovaja dziaŭčynka ź siamji, jakaja atruciłasia paśla viačery z kurycaj i pielmieniami ŭ Krasnajarskim krai Rasii. Da hetaha pamierli troje dziaciej z hetaj siamji, a baćka i ciažarnaja maci špitalizavanyja.
Siamja z šaści čałaviek źviarnułasia ŭ balnicu z prykmietami atručvańnia ranicaj 21 vieraśnia. Napiaredadni jany paviačerali kurycaj i pielmieniami ź sielskaj kramy. Paźniej u dvaich dziaciej — šaścihadovaj dziaŭčynki i 13-hadovaha chłopčyka — rezka pahoršyłasia samaadčuvańnie, jany pamierli ŭ balnicy. Na nastupny dzień stała viadoma pra śmierć treciaha dziciaci — 11-hadovaj dziaŭčynki, piša RBK.
Paźniej u pres-słužbie SK paviedamili RBK, što žančyna ciažarnaja — na dziaviatym miesiacy. Prykładna praz dva tydni ŭ jaje — termin rodaŭ.
SK Rasii zavioŭ spravu pavodle č. 3 art. 238 KK (vytvorčaść, zachoŭvańnie abo zbyt tavaraŭ i pradukcyi, jakija nie adpaviadajuć patrabavańniam biaśpieki žyćcia abo zdaroŭja spažyŭcoŭ, jakija paciahnuli pa nieaściarožnaści śmierć dvuch abo bolš asob). Hety artykuł praduhledžvaje da dziesiaci hadoŭ pazbaŭleńnia voli.
Pavodle papiaredniaj viersii śledstva, pryčynaj atručvańnia stała nieŭstanoŭlenaje rečyva. Śledčyja dapytali haspadara i pradaŭca praduktovaj kramy, fielčara ambułatoryi i svajakoŭ siamji. Akramia taho, jany zabrali zapisy z kamier videanazirańnia ŭ praduktovaj kramie.
SK nazvaŭ imiony tych, chto skinuŭ vybuchoŭku na bazu AMAPa ŭ Minsku ŭ 2021 hodzie1
Kamientary
Ibo niefih žrať vsio, čto dajut v voniučije starom mahazinie