U Rasii barda-«antyfašysta», jaki vystupaŭ u «DNR», sudzili za admaŭleńnie Chałakostu
U sudzie mužčyna śćviardžaŭ, što jon patryjot i danaciŭ na armiju, tamu pakarańnie źmiakčyli.
U Rasii za admaŭleńnie Chałakostu sudzili barda Andreja Łabanava.
56-hadovy paet — piesieńnik i prahramist pa prafiesii-pastajanny ŭdzielnik Hrušynskaha fiestyvalu, jaki ličycca najbujniejšym fiestyvalem bardaŭskaj pieśni ŭ Rasii, piša «Otstorožno, novosti».
U svaich sacsietkach Łabanaŭ sistematyčna pościŭ artykuły z admaŭleńniem Chałakostu. U hetych tekstach śćviardžałasia, što «masavy hienacyd byŭ prydumany habrejami dziela reparacyj i «miehahiešeftu», heta «najvialikšy rozyhryš», «brachnia» i «chłuślivy mif».
Staronka Łabanava trapiłasia na vočy siłavikam, i na jaho zaviali kryminalnuju spravu za reabilitacyju nacyzmu. Na sudzie bard nazvaŭ siabie antyfašystam, śćviardžaŭ, što piša patryjatyčnyja vieršy i pieśni, daje kancerty, a adnojčy navat vystupaŭ u akupavanym rasijcami Debalcava Danieckaj vobłaści.
U vyniku, Łabanavu prysudzili hod ŭmoŭna. Źmiakčalnaj akaličnaściu paličyli jaho achviaravańni ŭ fond «Narodny front», jaki dapamahaje ŭdzielnikam vajny suprać Ukrainy.
Kamientary
U 60 -70 hady ŭ Izraili było " durnym hustam" uzhadvać ab zahinuŭšych u Uschodniej Jevropie padčas 2śvietavoj ( intervju Svoboda pa ruski proźviščie ni pamiataju viadomaha repatryanta z saŭdepii))..
Hety bard z hrušaŭskaha festyvala kvir- antyfašyst tielekrf hladzić Čto dazvolena sałaŭjevu kiedmi satanoŭskamu sajmsu. poźnieru bardu Łabanavu..nie)))