Kamitet dziaržaŭnaha kantrolu vykryŭ aficyjnych statystaŭ, piša «Biełaruskaja niva». Vyjaŭlenyja maštabnyja prypiski ŭ Minskaj vobłaści ŭ sielskaj haspadarcy.
Kamitet dziaržkantrolu Minščyny pieraličyŭ sabrany ŭ rehijonie ŭradžaj.
Zamiest rostu vytvorčaści sielhaspradukcyi na ŭzroŭni 109,5%, akazałasia 100,01%.I heta pry tym, što siudy paličyli pamidory i bulbu, sabranyja biełarusami na dačnych i prysiadzibnych učastkach, choć zrazumieła, što acanić ich pracu ŭ pryncypie niemahčyma.
Tych, chto, prajazžajučy pa biełaruskich darohach, zachaplajecca razaranymi i dahledžanymi palami, vysnovy dziaržkantrolu mohuć mocna źniervavać.
A) skažajucca sapraŭdny stan prablem, niechta sprabuje stvarać bačnaść dabrabytu.
B) Dla pakazčykaŭ uradžajnaści i dokazu paśpiachovaści biełaruskaj sielhasvytvorčaści ŭ haspadarkach zasiejvajuć «niaŭličanyja pali». Nadoi z troch karoŭ, jak viadoma, bolšyja, čym z adnoj, ale kali prypisać ich adnoj, to možna stać hierojem.
V) U siaredzinie studzienia (!) kantralory znajšli na palach niaŭbranymi kukuruzu, bulbu, buraki.Choć u orhany dziaržaŭnaj statystyki jašče ŭ siaredzinie listapada pastupiła infarmacyja ab poŭnym zaviaršeńni ŭborki. H) Narešcie, zaviaršajučy hod apošniaj siezonnaj aharodninaj — burakami — haspadarki masava «pierievykonvali pakazčyki». Buraki ŭzvažvali razam ź ziamloj i atrymlivali dobryja ličby. Pryčym, ziamlu zasypali tysiačami ton. Takim čynam 130 haspadarak štučna pavialičyli vałavy zbor sałodkich karanioŭ bolš čym na 130 tysiač ton.
U cełym pa Minskaj vobłaści spravazdačy ab vytvorčaści sielhaspradukcyi akazalisia zavyšanymi na 10 miljardaŭ rubloŭ.