Hienierał Hienadź Chaćko. Fota Michaił Isačanka.
Hienieralnaja prakuratura raspačała kryminalnuju spravu ŭ dačynieńni da byłoha načalnika Hrodzienskaj milicyi Hienadzia Chaćko. Hienierała-majora padazrajuć u złačynstvie, praduhledžanym č.1 art.424 KK «pieravyšeńnie ŭłady abo słužbovych paŭnamoctvaŭ».
Jak patłumačyła śpiecyjalist pres-słužby hienieralnaj prakuratury RB Iryna Jahorčanka, rasśledavańnie kryminalnaj spravy pieradadziena ŭ Hrodzienskuju abłasnuju prakuraturu. Jak stała viadoma, Hienadź Chaćko nie ŭziaty pad vartu. U dadzieny momant jaho miescaznachodžańnie nieviadoma. Pavodle najaŭnaj infarmacyi, svajaki źviarnulisia z zajavaj ab jaho źniknieńni. Nahadajem, što 3 listapada minułaha hoda Hienadź Chaćko ŭkazam Łukašenki byŭ vyzvaleny ad pasady načalnika UUS Hrodzienskaha abłvykankama.
