Čerhi z fur na vyjezd ź Biełarusi prykmietna skaracilisia. Čamu tak adbyvajecca?
Apošnim časam kolkaść fur, jakija čakajuć vyjezdu ź Biełarusi ŭ ES, ustojliva źmianšajecca.
Minus 1000 fur za tydzień
11 kastryčnika 2024 hoda vyjezdu ź Biełarusi ŭ krainy ES čakali kala 1700 hruzavikoŭ. Najbolšaje skapleńnie nazirałasia na miažy ź Litvoj, dzie ŭ punktach propusku «Kamienny Łoh» i «Bieniakoni» stajała pa 600 fur.
Na miažy z Łatvijaj i Polščaj situacyja krychu lepšaja — pa 250 hruzavikoŭ u kožnym kirunku.
Dla paraŭnańnia: tydzień tamu ŭ čarzie na vyjezd stajali 2700 hruzavikoŭ, ź ich 700 na kožnym z dvuch punktaŭ propusku ź Litvoj, 900 na miažy z Polščaj i 400 na łatvijskim kirunku. Dva tydni tamu ahulnaja kolkaść hruzavikoŭ, jakija čakali vyjezdu, składała kala 2800 — suprać 1700 ciapier.
Čamu tak adbyvajecca?
Kolkaść transpartnych srodkaŭ, jakija afarmlajuć ciaham sutak, zastajecca pryblizna na tym ža ŭzroŭni, tamu heta nie mahło vyklikać źmianšeńnia čerhaŭ.
Vyhladaje, što paŭpłyvali sankcyi ES ad 29 červienia 2024 hoda. Reč u tym, što, za niekatorymi vyklučeńniami, abaviazki pa kantraktach, zaklučanych da 1 lipienia 2024 hoda, mahli vykonvacca da 2 kastryčnika 2024 hoda.
Imparciory imknulisia pastavić jak maha bolš tavaraŭ ź Jeŭropy da hetaj daty, bo paśla hetaha tavary, jakija trapili pad sankcyi, bolš nielha budzie pradavać u Biełaruś.
Ciapier ža śpis tavaraŭ skaraciŭsia, i adpaviedna pamienšaŭ patok hruzaŭ. Tamu ciapier my nazirajem situacyju, kali častka hruzavikoŭ paśla razhruzki ŭ Biełarusi viartajecca ŭ ES, ale novyja rejsy ŭ hetym kirunku nie adbyvajucca.
Kamientary