Takoje adbyłosia ŭpieršyniu.
U pieršy dzień novaha siezona Amierykanskaj chakiejnaj lihi (druhaja pa značnaści liha ŭ Paŭnočnaj Amierycy paśla NCHŁ) abaronca «Kałhary Renhlers» Illa Sałaŭjoŭ zasmuciŭ bramnika «Abatsford Kenaks» Mikitu Tałapiłu.
Ale ŭ vyniku farm-kłub «Vankuviera» atrymaŭ pieramohu — 4:3. Pieramahčy «kasatkam» dapamoh nie tolki Tałapiła, jaki zrabiŭ 20 sejvaŭ, ale i Daniła Klimovič, jaki zakinuŭ 3-ju šajbu svajoj kamandy i skončyŭ matč z pakazčykam karysnaści «+2», piša Bysport.
Illa Sałaŭjoŭ naležyć struktury kłuba Nacyjanalnaj chakiejnaj lihi «Kałhary Fłejmz». U minułym hodzie jon pravioŭ za «Fłejmz» niekalki matčaŭ, ale pierad pačatkam hetaha siezona byŭ adpraŭleny ŭ farm-kłub.
Mikita Tałapiła naležyć da struktury kłuba NCHŁ «Vankuvier Kenaks» i moža stać pieršym biełaruskim hałkipieram, jaki debiutuje ŭ NCHŁ, kali budzie vyklikany z «Abatsforda» ŭ «Vankuvier» (tam u struktury ŭsiaho dva varatary).
Pakul ža siezon u NCHŁ pačnuć try biełarusy: Jahor Šaranhovič («Kałhary Fłejmz»), ale ŭ jaho zaraz traŭma, Alaksiej Protas («Vašynhton Kepitałz») i Uładzisłaŭ Kalačonak («Juta»).
«Uvarvalisia z dručkami». Śviedka raskazaŭ, jak siłaviki źbili aŭtaślesara ź Viciebska. Praz hod toj pamior17
«Uvarvalisia z dručkami». Śviedka raskazaŭ, jak siłaviki źbili aŭtaślesara ź Viciebska. Praz hod toj pamior
«Toje, što chtości siadzić za palityku, źjaŭlajecca častkaj piejzažu». Biełaruska, jakaja naviedała radzimu paśla doŭhaha pierapynku, padzialiłasia ŭražańniami1010
Kamientary