Z-za rańniaj viasny klaščy byli vielmi aktyŭnyja, ale ludzi čaściej padčaplali ich za horadam.
U 2024 hodzie ŭ Minsku bolš za 500 ha achapili śpiecyjalnaj apracoŭkaj suprać klaščoŭ. I heta pryniesła vynik. U stalicy vyjaŭlena na 40% mienš klaščoŭ, čym u 2023-m.
Pra heta zajaviŭ namieśnik hałoŭnaha doktara Minskaha haradskoha centra hihijeny i epidemijałohii Ryhor Hieciuk, paviedamlaje ahienctva «Minsk-Naviny».
«U hetym siezonie hetaja tema była aktualnaja, pakolki z-za rańniaj viasny klaščy stali prajaŭlać aktyŭnaść — adznačaŭsia rost kolkaści ich napadaŭ. Ale adznaču, što 80% vypadkaŭ prysmoktvańnia adbylisia nie ŭ Minsku, a za jaho miežami: na dačnych učastkach, u lasach», — adznačyŭ Hieciuk.
U stalicy apracoŭku terytoryj, dzie vyjaŭlajuć pieravyšeńnie kolkaści klaščoŭ, pravodziać nie pieršy hod.
Kamientary
Pytańnie, kali i jak pravodziŭsia padlik klaščoŭ. Kali prynosiać ich na analiz? Zaraz u ałharytmie dziejańniaŭ pry ŭkusie analiz nieabaviazkovy, hałoŭnaje (i spraviadliva) heta nieadkładny pryjom antybijotykaŭ.
U navinach na ich sajcie takich aktualnych danych nie znajšoŭ. Majem tolki razmovy na radyjo.