U nacparku «Prypiacki» znajšli hryb, jaki padobny da karała
U Nacyjanalnym parku «Prypiacki» na poŭdni Biełarusi znajšli redki dla Biełarusi hryb — jažovik karałapadobny (Hericium coralloides). Jon uklučany ŭ Čyrvonuju knihu Biełarusi, a vonkava nahadvaje marski karał.
Jak raskazali ŭ «Prypiackim», jažovik karałapadobny maje treciuju katehoryju achovy, heta značyć nie znachodzicca pad pramoj pahrozaj źniknieńnia ciapier, ale mahčymy dla vymirańnia ŭ budučyni.
«Pładovaje cieła niezvyčajnaj formy i padobnaje na halinki karała. Maładyja pładovyja cieły vyłučajucca na fonie dreŭ svajoj biełaj afarboŭkaj», — adznačyli ŭ parku.
Taksama tam raskazali, što hryb raście na admierłaj draŭninie listavych parod dreŭ, a znajšli jaho, u pryvatnaści, na terytoryi ekaściežki «Chłupinskaja Buda», jakaja ciapier budujecca.
U maładym uzroście jažovik karałapadobny ličycca jadomym, jaho možna pasmažyć, da prykładu, z aliŭkavym alejem. Adnak, jak my zhadvałasia vyšej, u Biełarusi hety hryb znachodzicca pad achovaj.
Hety vid, darečy, možna vyraścić štučna na piłavińni abo biarvieńni. Kaštuje ž jon niatanna. Naprykład, na Wildberries 300-hramovaja ŭpakoŭka miceliju jažovika karałapadobnaha pradajecca za 1469 rasijskich rubloŭ (50 rubloŭ 33 kapiejki na biełaruskija).
Vialikaja hutarka z Alinaj Koŭšyk — pra intervju z Padsasonnym, skandał z Kulejem i reformy na «Biełsacie»1
Kamientary