Kolki času zastałosia ŭ kandydataŭ u prezidenty, kab vyłučycca na vybary
Siońnia stała viadoma, što nastupnyja prezidenckija vybary ŭ Biełarusi projduć praz try miesiacy — 26 studzienia 2025 hoda.
Rehistracyja inicyjatyŭnaj hrupy ŭ CVK adbyvajecca nie paźniej čym za 85 dzion da vybaraŭ.
To-bok u patencyjnych kandydataŭ zastałosia 10 dzion dla padačy dakumientaŭ (apošniaja data — 1 listapada).
Centralnaja vybarčaja kamisija razhladaje zajavu ŭ piacidzionny termin z dnia jaje pastupleńnia.
Zbor podpisaŭ kandydataŭ u prezidenty pačynajecca za 80 dzion i zakančvajecca za 50 dzion da vybaraŭ. Da 7 śniežnia kandydaty musiać sabrać nie mienš za 100 tysiač podpisaŭ.
Rehistracyja kandydataŭ u prezidenty pačynajecca za 35 dzion i zakančvajecca za 25 dzion da vybaraŭ. Apošni dzień rehistracyi prypadaje na 1 studzienia 2025 hoda.
Zrazumieła, što apazicyjnych kandydataŭ na hetych vybarach nie budzie. U krainie praciahvajucca masavyja represii suprać tych, chto vykazaŭ pratest Łukašenku, a taksama adkryta vystupaje suprać vajny. A sami vybarčyja kampanii pravodziacca z parušeńniami i falsifikacyjami.
Nahadajem, što ŭ 2020-m data vybaraŭ była abjaŭlena 8 maja, a 15 maja byŭ apošnim dniom, kali možna było padać zajavu ŭ CVK ab rehistracyi inicyjatyŭnaj hrupy pa vyłučeńni kandydataŭ.
Zhodna z abnoŭlenaj u 2022 hodzie Kanstytucyjaj, prezidentam moža być abrany:
- hramadzianin Biełarusi pa naradžeńni, nie maładziejšy za 40 hadoŭ, jaki vałodaje vybarčym pravam i pastajanna pražyvaje ŭ Biełarusi nie mienš za 20 hadoŭ niepasredna pierad vybarami;
- nie maje i nie mieŭ raniej hramadzianstva zamiežnaj dziaržavy abo dazvołu na žycharstva ci inšaha dakumienta zamiežnaj dziaržavy, jaki daje prava na lhoty i inšyja pieravahi;
- kandydatami ŭ prezidenty nie mohuć być hramadzianie, u adnosinach da jakich jość ustupiŭšy ŭ zakonnuju siłu abvinavaŭčy prysud suda.
Vybary 2025 hoda stanuć dla Łukašenki siomymi.
Apytanka
«Ja nie vučyła dziaciej śpiavać himn i chadzić šychtom». Razmova z nastaŭnicaj Taćcianaj Krapinievič, jakaja źjechała z krainy praz danosy Bondaravaj2121
«Ja nie vučyła dziaciej śpiavać himn i chadzić šychtom». Razmova z nastaŭnicaj Taćcianaj Krapinievič, jakaja źjechała z krainy praz danosy Bondaravaj21
«Staršynia prosta biłasia hałavoj ab stoł. Paśla nam razdali kanvierty z hrašyma». Nastaŭnica była ŭ vybarčaj kamisii ŭ 2020-m — i voś što pabačyła1616
Kamientary