Hramadstva99

Pavieł Łatuška bačyć pryčynu pryznačeńnia vybaraŭ na studzień u inšym

Palityk vykazvaje zdahadku, što tak treba ŭ intaresach Rasii.

Kiraŭnik Narodnaha antykryzisnaha ŭpraŭleńnia Pavieł Łatuška nie zhodny z raspaŭsiudžanym mierkavańniem ab tym, što adna z pryčyn rańniaha praviadzieńnia prezidenckich vybaraŭ — słaboje zdaroŭje dyktatara. Svaje dumki jon ahučyŭ u efiry prahramy «Obyčnoje utro»

«Zdaroŭje — heta toje, što nie adyhryvała ŭ dadzienym vypadku nijakaj roli. Heta śmiešna z punktu hledžańnia hadoŭ, na jakija jon płanuje dalej kiravać. Heta śmiešna z punktu hledžańnia taho, što Łukašenka ŭ pryncypie maje svajo žadańnie kiravać da apošniaha dnia svajho žyćcia.

Heta toj čałaviek, jaki fanatyčna lubić tolki adnu reč u hetym žyćci — heta ŭłada. Nie Kolu, a tolki ŭładu», — vykazaŭ svajo mierkavańnie Łatuška.

«Pasprabuju dapuścić, što, mahčyma, heta realizacyja peŭnych vajenna-stratehičnych met u intaresach Rasijskaj Fiederacyi, jakija treba budzie realizavać mienavita ŭ kancy zimy ci viasnoj nastupnaha hoda», — vykazvaje svaju zdahadku Łatuška.

«Razmova idzie pra toje, što Rasija zacikaŭlena ŭ hetaj ahresii pieramahčy. Pieramahčy prynamsi ŭ formie fiksacyi za saboj tych terytoryj, jakija jany ŭpisali ŭ kanstytucyju Rasijskaj Fiederacyi ŭ 2022 hodzie. I «bałkon» — stratehičny vystup Biełaruś — dla hetaha źjaŭlajecca krytyčna važnym. (…) Pa-druhoje, heta moža dazvolić ruskim dasiahnuć hetaj mety mienšaj kolkaściu achviar, zatrat i resursaŭ. Tamu viartańnie temy «biełaruskaha bałkona» absalutna realna».

Pavieł Łatuška źviartaje ŭvahu jašče na adzin momant: u toj dzień, jak byli abvieščany vybary, jakija faktyčna daterminovyja, było abvieščana ab praviadzieńni vučeńniaŭ «Zachad — 2025». Jon ličyć heta nievypadkovym. Pakul data praviadzieńnia vučeńniaŭ nieviadomaja.

«Jość dva varyjanty. Ci Łukašenka faktyčna pad kantrolem rasijskich uzbrojenych sił, atrymaŭšy adpaviednuju padtrymku biaśpieki ź ich boku, praviadzie svaju sprobu pryznačeńnia na ŭzurpiravanuju im pasadu prezidenta Respubliki Biełaruś. Ci ŭ nastupnym, paśla pierapryznačeńnia, jon zabiaśpiečyć u intaresach Rasijskaj Fiederacyi znoŭ infrastrukturu, terytoryju dla rašeńnia vajennych zadač.

Heta moža być kancentracyja peŭnaha vajskovaha kantynhientu, hrupoŭki vojsk, jakaja stvaraje pahrozu jak na ŭkrainskim napramku, tak i na zachodnim napramku. Mahčyma, heta łakalny kanflikt na miažy. Naŭrad ci ja b dapuskaŭ niejkuju ahresiju, ale sam fakt najaŭnaści bujnoj hrupoŭki abaviaža, prymusić ukrainski bok častku surjoznych sił i reziervaŭ, jakich nie chapaje, (…) padciahnuć da miažy. I heta hałoŭnaja pryčyna, nijakaje nie zdaroŭje», — ličyć palityk.

Druhaja pryčyna, jakaja, pavodle Łatuški, adyhrała rolu ŭ pryniaćci rašeńnia pravieści vybary ŭ studzieni, — toje, što Łukašenka «baicca leta».

«Jon baicca paŭtoru padziej 2020 hoda, tamu jon robić heta zimoj. Zaŭvažcie, što heta robicca faktyčna na vadochryščanskija śviaty. (…) Heta najbolš pasiŭny pieryjad, šery pieryjad, kali ludzi nie schilnyja da niejkich aktyŭnych dziejańniaŭ. I heta psichałahična było aceniena i vybrana mienavita hetaja data jak najbolš adpaviednaja z punktu hledžańnia zabieśpiačeńnia biaśpieki ŭnutranych pracesaŭ».

Pavieł Łatuška adznačyŭ, što fakt pryznačeńnia prezidenckich vybaraŭ u taki čas demanstruje, što Łukašenka «baicca apazicyi».

Kamientary9

  • supiermarkiet kisłych všiej
    24.10.2024
    Łatuško chvatit pierieskazyvať vyviedku
  • Alibaba
    24.10.2024
    PałPałyč, „davaj čyrvoniec pažałusta" na vybary našieva łukiča. Vybary prezidzienta ŭ RB nie mohuć adbycca apryory, pakul jość łukič. Tamu „vybirajuć" łukiča, a nie pryzidzienta.
  • Vład
    24.10.2024
    Fantazior - ty mienia nazyvała...
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

ZŠA zapatrabavali nie nazyvać Rasiju «ahresaram» u zajavie G7 pa Ukrainie24

ZŠA zapatrabavali nie nazyvać Rasiju «ahresaram» u zajavie G7 pa Ukrainie

Usie naviny →
Usie naviny

Stan Papy Franciška krychu palepšaŭ1

Biełaruska prapanavała zabirać na vajskovyja zbory tolki niežanatych mužčyn17

24-hadovaha eks-rabotnika EPAM sudziać za ŭdzieł u pratestach2

Dalar i jena rastuć na fonie zajavaŭ Trampa ab taryfach i kantaktach ZŠA i RF pa Ukrainie

Tramp zajaviŭ pra zryŭ pahadnieńnia z Ukrainaj pa redkaziamielnych mietałach7

Makron: Jeŭropa hatovaja pavialičyć vydatki na abaronu i ŭziać na siabie adkaznaść za biaśpieku10

Na X-staroncy Biełaha doma na Trampa nadzieli karaleŭskuju karonu. Heta ździeklivy adkaz apazicyi8

Starmier patelefanavaŭ Zialenskamu i skazaŭ, što pravodzić vybary padčas vajny nierazumna. Pry Čerčylu — nie pravodzili4

U Maskvie zahareŭsia budynak Instytuta dakładnaj vyličalnaj techniki 5

bolš čytanych navin
bolš łajkanych navin

ZŠA zapatrabavali nie nazyvać Rasiju «ahresaram» u zajavie G7 pa Ukrainie24

ZŠA zapatrabavali nie nazyvać Rasiju «ahresaram» u zajavie G7 pa Ukrainie

Hałoŭnaje
Usie naviny →

Zaŭvaha:

 

 

 

 

Zakryć Paviedamić