«Mašy treba ratavać svajo žyćcio». Siastra Kaleśnikavaj adreahavała na ŭčarašnija słovy Łukašenki
Učora ŭ intervju žurnalistu Bi-bi-si Styvienu Rozenbierhu Alaksandr Łukašenka adkazaŭ na jahonyja pytańni adnosna palitźniavolenaj Maryi Kaleśnikavaj i pierśpiektyvy jaje pamiłavańnia im. Pry hetym nasupierak realnym faktam palityk zajaviŭ, što, maŭlaŭ, los Maryi niecikavy jaje siamji. Siońnia na hetyja vykazvańni adreahavała ŭ sacsietkach siastra Kaleśnikavaj Taćciana Chomič.
«Naša siamja vitaje hatoŭnaść Łukašenki, ahučanuju ŭ jaho ŭčorašniaj zajavie, razhledzieć pytańnie ab pamiłavańni Maryi. My vielmi čakajem jaje na voli.
Adnak suviazi sa svajakami i advakatam (tak, i advakata jak takoha niama) dahetul niama. Adzinaje spatkańnie z tatam było jašče ŭ śniežni 2022 hoda adrazu paśla jaje apieracyi i doŭžyłasia ŭsiaho 10 chvilin u miedčastcy kałonii.
Mašy treba ratavać svajo žyćcio, joj nieabchodna vyjści na volu i papravić zdaroŭje. Ja ŭpeŭnienaja, što Maryja moža razhladać roznyja varyjanty, ale va ŭładaŭ jość dostup i mahčymaści, kab daviedacca pra heta.
Važna adnavić suviaź ź siamjoj, kab jana razumieła, što adbyvajecca», — napisała Taćciana Chomič.
Nahadajem, što Łukašenka, adkazvajučy na pytańni Styviena Rozenbierha, zajaviŭ, što nibyta hatovy razhledzieć zvarot Kaleśnikavaj ab pamiłavańni, kali jon budzie, ale, maŭlaŭ, «ja kateharyčna suprać, što vy pačynajecie asoby vyłučać. Kali tam siadzić miljon, dyk tam usie ludzi adnolkavyja».
Što da siamji Kaleśnikavaj, to jon zajaviŭ: «Tam, mahčyma, takaja siamja, što im, moža, i niecikava, jak vam, naviedać Maryju Kaleśnikavu. Vy dbajecie pra jaje bolš, čym rodnyja i blizkija».
Hetaje śćviardžeńnie — hałasłoŭnaje, pakolki ŭvieś čas, pakul Maryja znachodzicca za kratami, jaje baćka i siastra pastajanna dabivajucca infarmacyi pra jaje, choć užo bolš za paŭtara hady hrukajucca ŭ začynienyja dźviery.
Łukašenka zajaviŭ, što siam‘ia moža bačycca z Kaleśnikavaj i što jana ničym nie adroźnivajecca ad «miljona» inšych palitviaźniaŭ
Paźniak pra Kaleśnikavu: Niama adkazu na pytańnie, navošta ź jaje ŭparta raskručvajuć revalucyjaniera i lidara
Sproby naviedać Maryju Kaleśnikavu ŭ Homieli nie prynosiać pośpiechu
U jakich čatach siadzieŭ hubazikaviec Artur Hajko i što tam pisaŭ? 11
U jakich čatach siadzieŭ hubazikaviec Artur Hajko i što tam pisaŭ?
«Damokłaŭ Mieč». Kanał «Biełorusskij siłovik» nastolki prarasijski, što mnohija mierkavali: heta rasijanie jaho viaduć. Nie, za im staić supierahient Łukašenki4040
«Damokłaŭ Mieč». Kanał «Biełorusskij siłovik» nastolki prarasijski, što mnohija mierkavali: heta rasijanie jaho viaduć. Nie, za im staić supierahient Łukašenki40
Snapkoŭ pachvaliŭsia, što biełarusy ciapier zarablajuć rekordna šmat. Padličyli, jak źmianilisia zarobki biełarusaŭ za 10 hadoŭ z ulikam inflacyi dalara99
Kamientary