Siamju z Baranavič sudziać za «zdradu dziaržavie». Muž — z avijabazy, žonka — z zavoda, dzie ramantujuć samaloty
Uładzisłaŭ Kaščejeŭ pracavaŭ na 61-j źniščalnaj avijabazie, jaho žonka Taćciana — na 558-m avijacyjnym remontnym zavodzie. Doma ich čakaje syn-školnik.
Uładzisłavu Kaščejevu 49 hadoŭ. Padobna, što pachodzić jon ź siamji vajskoŭcaŭ, bo skončyŭ škołu Paŭdniovaj hrupy vojskaŭ. Takija stvarali dla dziaciej savieckich vajskoŭcaŭ, jakija słužyli ŭ Vienhryi.
Uładzisłaŭ taksama vajskoviec, pracavaŭ u 61-j źniščalnaj avijabazie, piša Viasna sa spasyłkaj na BELPOL. U pačatku vajny terytoryi bazy vykarystoŭvali rasijskija vajskoŭcy.
Taćcianie Kaščejevaj 44 hady. Rodam jana z Baranavičaŭ. Pracavała na 558-m avijacyjnym ramontnym zavodzie. Heta pradpryjemstva absłuhoŭvaje i ramantuje avijacyjnuju techniku, u tym liku i paškodžanuju padčas vajny va Ukrainie. Zavod, jak i jaho dyrektar — pad sankcyjami ES i ZŠA.
U Kaščejevych dvoje dziaciej: dačka, jakoj niadaŭna spoŭniłasia 18, i syn, jaki ciapier u siaredniaj škole. Miarkujučy pa ich sacyjalnych sietkach, razam jany šmat padarožničali pa Biełarusi i zamiežžy.
Padobna, što ich zatrymali minułaj vosieńniu — mienavita tady jany pierastali być aktyŭnymi ŭ sacsietak.
Sud nad Uładzimiram i Taćcianaj pačaŭsia 24 kastryčnika ŭ Bresckim haradskim sudzie. Ich abvinavačvajuć u «zdradzie dziaržavie» (č. 1 i č. 2 art. 356 KK). Sužencam pahražaje da dvaccaci piaci hadoŭ kałonii. Sutnaść abvinavačańniaŭ, jak u bolšaści takich spraŭ ciapier, nieviadomaja, tamu što navat advakatu zabaroniena raskazvać pra heta.
Sudzić paru Dźmitryj Karasinski, kolišni sudździa Stolinskaha rajona. Jon asudziŭ ilustratarku Natallu Levuju na šeść hadoŭ kałonii, a taksama paśmiarotna sudziŭ Alaksandra Kuliniča, jaki pamior u kałonii.
«Naša Niva» — bastyjon biełaruščyny
PADTRYMAĆStaŭ viadomy prysud za danaty mieniedžaru farmaceŭtyčnych kampanijaŭ Siarhieju Šelehu. Jon uražvaje
Pamiatajecie kamunista Ciuchaja, adyjoznaha funkcyjaniera BRSM? Jaho sudziać za zdradu dziaržavie — da 25 hadoŭ źniavoleńnia
Kursantu MUS pahražaje da 25 hadoŭ kałonii za «zdradu dziaržavie» i «padrychtoŭku da ŭdziełu ŭ vajnie»
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ20
Kamientary