U Rasii jašče jość niebiaśpiečnyja bajavyja siły, jakich amal nie zakranuła vajna — top-hienierał NATA
Kamandujučy siłami NATA ŭ Jeŭropie, amierykanski hienierał Krystafier Kavali zajaviŭ, što Rasija paniesła značnyja straty va Ukrainie, adnak u jaje da hetaha času jość «niebiaśpiečnyja bajavyja siły», jakija amal nie paciarpieli ad vajny. Jaho słovy pieradaje Business Insider.
Pavodle słoŭ hienierała, razmova idzie ab dalokaj avijacyi, rakietnych siłach stratehičnaha pryznačeńnia, abaronnych padraździaleńniach i padvodnych srodkach. Kavali taksama adznačyŭ, što bolšaja častka taktyčnaj avijacyi Rasii jašče nie ŭciahnuta ŭ vajnu.
«Tamu, niahledziačy na značnyja straty ŭ naziemnaj śfiery, u astatniaj vajennaj struktury Rasii zastajecca vialiki patencyjał — jak zvyčajny, tak i jadzierny – i tamu nieabchodna mieć heta na ŭvazie», — ličyć Kavali.
Hienierał NATA padkreśliŭ, što suchaputnyja siły Rasii panieśli značnyja straty ŭ časie bajavych dziejańniaŭ va Ukrainie, adnak Maskva zrabiła prykmietnyja kroki dla ich adnaŭleńnia. Jon dadaŭ, što ciapier jość peŭnyja prablemy ź jakaściu, i niekatoraje abstalavańnie moža być nie samym novym, adnak u Rasii jość płan adnaŭleńnia hetych suchaputnych sił i razhortvańnia ich na miežach NATA, a da hetaha Aljansu treba pastavicca vielmi surjozna.
Kamientary
Tolko on zabył upomianuť, čto RoSSija nie možiet prosto vziať ich vsiech i ispolzovať, prosto potomu, čto oni ostaviat OHROMNUJU tierritoriju biez zaŝity. A upovať liš na jadiernyj "zontik" eto vierch skudoumija.
Kromie toho, bolšuju časť etich sił voobŝie nielzia, libo słožno zadiejstvovať v Ukrainie..
poetomu v ciełom - hienierał niesiet čuš.