Muzyku Siarhieja Horłava sudziać pa čatyroch palityčnych artykułach
Mahčymaja pryčyna — kamientary ŭ Telegram.
Pa źviestkach prajekta Digital intelligence team, Siarhieju Horłavu 45 hadoŭ. Jon vučyŭsia ŭ Minskim dziaržaŭnym linhvistyčnym univiersitecie, paźniej skončyŭ Jeŭrapiejski humanitarny ŭniviersitet. Pracavaŭ pierakładčykam i repietytaram anhlijskaj movy. Apošniaje viadomaje miesca jahonaj pracy — Instytut imia Sacharava ŭ Minsku.
Chobi Siarhieja — muzyka. U nulavych jon hraŭ u hurcie «Lasnoje radyjo». Udzielničaŭ jašče ŭ niekalkich prajektach, pierakładaŭ na biełaruskuju movu inšamoŭnyja pieśni. Adna z apošnich jaho prac — pierakład pieśni Boba Dyłana. U klipie na jaje paŭdzielničali mnohija viadomyja muzyki — Pit Paŭłaŭ, Źmicier Vajciuškievič i inšyja.
Siarhieja zatrymali ŭ lutym 2024 hoda. Spačatku jamu dali sutki za «raspaŭsiud ekstremisckich materyjałaŭ», a paśla zaviali kryminalnuju spravu dy pieraviali ŭ SIZA.
Sud nad Horłavym pačniecca 1 listapada ŭ Minskim haradskim sudzie. Jamu zakidajuć čatyry artykuły — «sadziejničańnie ekstremisckaj dziejnaści» (č. 1 i č. 2 art. 361-4 KK), «raspalvańnie varožaści» (č. 1 art. 130 KK), «zakliki da sankcyj» (č. 3 art. 361 KK) i «abraza Łukašenki» (č. 1 art. 368 KK). Siarhieju pahražaje ad čatyroch da dvanaccaci hadoŭ kałonii.
Mahčyma, pryčyna — u kamientarach u telehramie.
Sudzić jaho budzie Alena Šylko. 51-hadovaja Šylko palityčnyja spravy viadzie jak minimum z 2006-ha. Jana asudziła dziasiatki biełarusaŭ pa palityčna matyvavanych kryminalnych spravach, siarod jakich — vybitny mastak Aleś Puškin, jaki pamior za kratami.
«Naša Niva» — bastyjon biełaruščyny
PADTRYMAĆCiapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža29
Kamientary