Kanapackaja padała dakumienty na rehistracyju inicyjatyŭnaj hrupy
Palityk, jakaja niekali pazicyjanavałasia jak apazicyjnaja deputatka, pryniesła ŭ Centrvybarkam dakumienty ab rehistracyi svajoj inicyjatyŭnaj hrupy.
Hanna Kanapackaja 31 kastryčnika pradstaviła ŭ CVK dakumienty ab rehistracyi inicyjatyŭnaj hrupy pa zbory podpisaŭ za vyłučeńnie jaje kandydatam u prezidenty.
Kanapackaja ŭžo bałatavałasia ŭ prezidenty ŭ 2020 hodzie. Tady nie było nijakich padstaŭ mierkavać, što jana nie sabrała patrebnych dla rehistracyi 100 tysiač podpisaŭ, bo faktyčna nie źbirała ich, zborščykaŭ podpisaŭ za jaje amal nichto nie sustrakaŭ. Tym nie mienš Kanapackuju zrabili kandydatkaj u prezidenty i navat u vynikovym pratakole pastavili na treciaje miesca — vyšej za inšych kandydataŭ-spojleraŭ, Andreja Dźmitryjeva i Siarhieja Čeračnia.
Pierad tym Kanapackaja była deputatkaj Pałaty pradstaŭnikoŭ (2016-2019) — choć i ŭ tym vypadku vyniki vybaraŭ byli sfalsifikavanyja.
A pačynała palityčnuju karjeru jana ŭ składzie Abjadnanaj hramadzianskaj partyi. Rabiła biznes u Zachodniaj Jeŭropie, kudy vyjechała razam ź dziećmi.
U vypadku Kanapackaj zachoŭvajecca intryha, ci zarehistrujuć jaje, bo, imavierna, jana mieła niamiecki DNŽ, jaki pieraškadžaje joj stać kandydatkaj, zhodna z zakanadaŭstvam.
Akramia Kanapackaj, dakumienty na rehistracyju inicyjatyŭnaj hrupy padali: Alaksandr Łukašenka (hrupu zarehistravali), a taksama padkantrolnyja jamu kiraŭnik Libieralna-demakratyčnaj partyi Biełarusi Siarhiej Hajdukievič, staršynia Respublikanskaj partyi pracy i spraviadlivaści Alaksandr Chižniak i hałoŭny ideołah Minska Volha Čamadanava.
-
Italjaniec pierajechaŭ u biełaruskuju viosku i pačaŭ piačy sapraŭdnuju picu na drovach
-
«90 čałaviek vyhnali pad piakučaje sonca i trymali tam try hadziny. Ja paŭtarała tolki adnu malitvu: niachaj im usio vierniecca»
-
Ci chopić sioleta €2000, kab adpačyć na mory? Što adbyvajecca z cenami na letni adpačynak
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža29
Kamientary
Abjadnanaja hramadzianskaja partyja Objedinionnaja hraždanskaja partija (OHP) heta partyja Anatola Labiedźki. Taksama ŭ hetaj partyi sastajali Alaksandr Dabravolski, Hanna Krasulina, Jarasłaŭ Ramančuk.