Nacyjanalny aeraport Minsk nazvaŭ najbolš papularnyja kirunki palotaŭ
Avijarejsy ź i ŭ Nacyjanalny aeraport Minsk vykonvajuć 10 avijapieravozčykaŭ.
Namieśnik hienieralnaha dyrektara pa avijacyjnaj biaśpiecy i režymu Vadzim Praŭłocki na pres-kanfierencyi, pryśviečanaj Dniu rabotnikaŭ hramadzianskaj avijacyi, raspavioŭ pra najbolš papularnych napramkach palotaŭ ź i ŭ stalicu, piša BiełTA.
Pa słovach Vadzima Praŭłockaha, avijarejsy ź i ŭ Nacyjanalny aeraport Minsk vykonvajuć 10 avijapieravozčykaŭ. U ich liku bazavaja avijakampanija «Biełavija», na jakuju prypadaje 64,3% usich rejsaŭ, šeść rasijskich kampanij («Pobieda», «Aerafłot», «Azimut», «Ikar», Red Wings, «Sievierstal»), avijakampanii z Uźbiekistana, Kitaja i AAE.
«Usiaho za dzieviać miesiacaŭ avijapieravozčykami vykanana rejsaŭ na 12,5% bolš, čym za anałahičny pieryjad 2023 hoda. Pa vynikach hoda płanujem absłužyć kala 2,8 młn pasažyraŭ», — raspavioŭ Vadzim Praŭłocki.
U liku najbolš papularnych kirunkaŭ — Maskva, Sankt-Pieciarburh, Dubaj, Stambuł i Tbilisi.
Najbolšaja siaredniaja zahruzka adznačajecca na rejsach avijakampanii «Pobieda» z Maskvy i Sankt-Pieciarburha, «Azimut» — ź Minieralnych Vod, Red Wings — z Samary, «Biełavija» — u Tbilisi i Stambuł.
-
Šejman raskazaŭ pra Łukašenku niavydumanuju historyju, pra jakuju nielha maŭčać. Navumčyk: «Poŭnaja achinieja»
-
$1.000.000 za ŭvachod na cyrymoniju i pjanka z «dobrymi ruskimi» — Prakopjeŭ raskazaŭ pra svoj dzień inaŭhuracyi Trampa ŭ Vašynhtonie
-
U Lepieli za «ekstremizm» sudzili žančynu, jakaja słužyć u vojsku
Chto taja prafsajuznaja aktyvistka z MAZa, jakaja paprasiła Łukašenku razabracca ŭ jutubie z «biehłymi»?18
Kamientary