Byłoha dyrektara škłozavoda «Nioman» asudzili na 12 hadoŭ za «dziaržzdradu»
Ihar Bacian bolš za 12 hadoŭ uznačalvaŭ škłozavod «Nioman». Mienavita pry jaho kiravańni zvalniali z pracy viadomych hramadskich aktyvistaŭ.
Pavodle nieaficyjnaj infarmacyi byłomu dyrektaru škłozavoda «Nioman» i dziaržaŭnamu funkcyjanieru Iharu Bacianu prysudzili 12 hadoŭ kałonii, paviedamlaje «Hrodzienskaja pravaabarona».
Ihar Bacian bolš za 12 hadoŭ uznačalvaŭ škłozavod «Nioman». Mienavita pry jaho kiravańni zvalniali z pracy viadomych hramadskich aktyvistaŭ, u tym liku Siarhieja Pantusa.
Paśla vyzvaleńnia z pasady Bacian syšoŭ u kiraŭnictva dziciača-junackim chakiejem Biełarusi, a paśla apynuŭsia ŭ cieni.
Potym stała viadoma, što Bacian znachodzicca ŭ SIZA, pryčym artykuł — palityčny, choć mužčyna nie byŭ zaŭvažany nijakim prajavami apazicyjnaści ci ŭdziełu ŭ demakratyčnym ruchu.
U 2020-m Bacian publična nijak siabie nie prajaviŭ.
16 žniŭnia, u dzień najbolš masavych u historyi sučasnaj Biełarusi pratestaŭ, jahony telehram-akaŭnt ustupiŭ u vialikuju supołku jabaciek «Za Biełaruś!», ale ničoha nie pisaŭ.
Sud nad Bacianom pačaŭsia 26 žniŭnia ŭ Hrodzienskim abłasnym sudzie. Jaho abvinavačvali ŭ «zdradzie dziaržavie» (č. 1 art. 356 KK). Jamu pahražała ad 7 da 15 hadoŭ kałonii. Akaličnaści spravy nieviadomyja.
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža29
Kamientary