Minimum 10 šachiedaŭ za noč zachodzili ŭ Biełaruś, try stračanyja
Unačy z 31 kastryčnika na 1 listapada ŭ Biełaruś z Ukrainy zalacieli jak minimum 10 rasijskich dronaŭ-kamikadze typu «šachied». Drony prachodzili praz kalidor Słavucič — Prypiać, zalatali ŭ rajonie Łojeva, pralatali bolš za 120 km na poŭdzień Biełarusi i viartalisia va Ukrainu praz Oŭruč, piša Biełaruski Hajun.
Pieršy zachod byŭ u 23:51 praz Słavucič u bok Kamaryna. Dalej zachody byli ŭ 00:09, 00:41, 01:08, 01:17 i 01:52.
U šerahu vypadkaŭ zachodziła adrazu hrupa šachiedaŭ, u jakoj mahło być jak 2, tak i 4+ šachiedaŭ, tamu kolkaść u 10 štuk za noč źjaŭlajecca minimalnym. Tak u 01:17 hrupa BPŁA zajšła ŭ Biełaruś u rajonie Łojeva i ŭziała kurs na Chojniki i dalej na Mazyr, što ź imi adbyłosia dalej — nieviadoma.
Kala druhoj hadziny nočy pa šachiedach pracavała SPA ŭ Mazyrskim rajonie — vierahodna, niekalki mahli źbić.
Dva BPŁA byli łakacyjna stračanyja ŭ Lelčyckim rajonie Homielskaj vobłaści — heta značyć pralacieli pa poŭdni Biełarusi jak minimum 120 km, paźniej adzin ź ich vylecieŭ va Ukrainu ŭ rajonie Oŭruča ŭ 03:33. Usiaho ž pavodle źviestak pavietranych sił USU za noč u Biełaruś palacieli try BPŁA.
Akramia hetaha, u 01:40 z aeradroma «Baranavičy» byŭ uźniaty źniščalnik, jaki lotaŭ pa paŭdniovym uschodzie až da 3:30 nočy.
-
Italjaniec pierajechaŭ u biełaruskuju viosku i pačaŭ piačy sapraŭdnuju picu na drovach
-
«90 čałaviek vyhnali pad piakučaje sonca i trymali tam try hadziny. Ja paŭtarała tolki adnu malitvu: niachaj im usio vierniecca»
-
Ci chopić sioleta €2000, kab adpačyć na mory? Što adbyvajecca z cenami na letni adpačynak
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža29
Kamientary