Mahiloviec z reŭnaści apublikavaŭ u damavym čacie intymnaje fota svajoj žonki
Kali adumaŭsia, vyrašyŭ raźbić telefon, kab paźbiehnuć prablem ź milicyjaj.
Žychar Mahilova paśla kanfliktu z žonkaj apublikavaŭ jaje intymnaje fota ŭ damavym čacie.
Jany byli žanatyja kala dziesiaci hadoŭ, vychoŭvali traich dziaciej. 34-hadovy mužčyna nie pracavaŭ i złoŭžyvaŭ ałkaholem, što nie padabałasia žoncy. Jana sprabavała nastavić jaho na rozum i zachavać šlub, ale słovy nie dziejničali, paviedamlajuć «Minsk-Naviny».
Adnaho viečara mahiloviec raptam usumniŭsia ŭ viernaści žonki. Z pomsty jon vykłaŭ u čat doma fatahrafiju, na jakoj jana była zusim biez adzieńnia. Publikacyju paśpieli pahladzieć bolš za 120 čałaviek.
Administratar čata sprabavaŭ vydalić zdymak, ale z-za niejkaj pryčyny heta ŭ jaho nie atrymałasia. Tady jon źviarnuŭsia z zajavaj u milicyju.
Praź niekatory čas muž zrazumieŭ, što pastupiŭ niapravilna, i zachacieŭ vydalić fota ź pierapiski. Ale na toj momant jaho ŭžo vydalili z čata. Uśviadomiŭšy, što za ŭčynak jamu pahražaje pakarańnie, mahiloviec raźbiŭ telefon. Ale heta, viadoma, nie dapamahło.
Suprać mužčyny była raspačata kryminalnaja sprava pavodle č. 1 art. 343 KK («Vyrab i raspaŭsiud parnahrafičnych materyjałaŭ abo pradmietaŭ parnahrafičnaha charaktaru»). Jamu pahražaje ad hramadskich rabot da aryštu.
Paśla zdareńnia žonka padała na razvod.
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža29
Kamientary