Homielskaha aktyvista ŭ Słavakii čakaje sud u suviazi «z pahrozaj nacyjanalnaj biaśpiecy»
Homielskaha aktyvista ŭ Słavakii čakaje sud u suviazi «z pahrozaj nacyjanalnaj biaśpiecy».
Dźmitryj Łukomski, jaki zaraz znachodzicca ŭ zakrytym łahiery dla ŭciekačoŭ u Słavakii, raspavioŭ «Fłahštoku» pra toje, jak raźvivajecca jahonaja situacyja. Zaraz jon čakaje suda — miarkujecca, što jon pavinien adbycca ŭ pieršaj pałovie listapada. Na pracesie budzie razhladacca sprava Dźmitryja Łukomskaha pa punkcie d artykuła 88 Zakona ab pražyvańni zamiežnikaŭ: «zatrymańnie asoby supracoŭnikam palicyi, jakaja šukaje prytułak, kali heta nieabchodna ŭ suviazi z pahrozaj nacyjanalnaj biaśpiecy abo hramadskamu paradku».
Hety sud byŭ inicyjavany palicyjaj paśla zvarotu piersanału adkrytaha łahiera, kudy Dźmitryj trapiŭ pieršapačatkova.
Sud moža zadavolić zajavu homielca i vynieści pastanovu ab admienie abmiežavańnia svabody, albo vynieści rašeńnie ab nieabchodnaści praviadzieńnia dadatkovaha razboru, tady Dźmitryja budzie čakać jašče adzin sud. Treci varyjant — poŭnaściu adchilić skarhu. U takim vypadku Dźmitryja mohuć pieravieści ŭ turmu. U hetym vypadku Dźmitryj maje namier iznoŭ padać abskardžańnie.
Homielec upeŭnieny, što ŭ zakryty łahier jaho źmiaścili niezakonna: «Ja zmahaŭsia za pravy čałavieka, za toje, kab da ŭciekačoŭ stavilisia adekvatna. A mianie abyłhali i vykarystali represiŭny miechanizm, nichto nie słuchaŭ maich tłumačeńniaŭ».
Intaresy biełarusa ŭ sudzie budzie pradstaŭlać jurystka miascovaj arhanizacyi, jakaja zajmajecca dapamohaj uciekačam.
Dźmitryj taksama padaŭ zajavu, kab abskardzić dziejańni palicyi, jakaja pieraviała jaho z adkrytaha łahiera (tam jon čakaŭ rašeńnia ab pradastaŭleńni jamu mižnarodnaj abarony) u zakryty, i prosić źniać ź jaho abmiežavalnyja miery.
-
Italjaniec pierajechaŭ u biełaruskuju viosku i pačaŭ piačy sapraŭdnuju picu na drovach
-
«90 čałaviek vyhnali pad piakučaje sonca i trymali tam try hadziny. Ja paŭtarała tolki adnu malitvu: niachaj im usio vierniecca»
-
Ci chopić sioleta €2000, kab adpačyć na mory? Što adbyvajecca z cenami na letni adpačynak
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža29
Kamientary