U niekatorych žycharoŭ stalicy vada z krana moža źmianić koler i stać zialonaj, paviedamlaje «Minskenierha».
Z 11 listapada i da kanca aciaplalnaha siezona ŭ sietkavuju vadu trubapravodaŭ ciepłavych sietak budzie dadadzieny śpiecyjalny farbavalnik — fłuareściein. Jon absalutna biaśpiečny dla zdaroŭja i dazvoleny da ŭžyvańnia zhodna z patrabavańniami Sanepidnahladu.
Afarboŭka vady patrebna dla chutkaha vyjaŭleńnia ŭciečak i niesankcyjanavanaha vykarystańnia ciepłanośbita, a taksama dla pravierki hiermietyčnaści vodanahravalnikaŭ.
Zakranie hety praces žycharoŭ Leninskaha, Zavodskaha, Savieckaha i Pieršamajskaha rajonaŭ. Adrasy, jakija traplajuć u zonu ŭvodu ŭ sietkavuju vadu fłuareścieinu, možna znajści na sajcie «Minskenierho».
Kali vy zaŭvažycie afarbavanuju vadu ŭ sistemach haračaha vodazabieśpiačeńnia abo ŭciečku zialonaha adcieńnia, paviedamicie: 298-27-47; 298-27-27; 298-27-37, — adznačajuć śpiecyjalisty.
Kamientary