«Ułasnych vojskaŭ Rasii na hety napramak nie chapaje, tamu jany sprabujuć pryciahnuć tudy vajennych z Paŭnočnaj Karei».
Hałoŭnakamandujučy USU Alaksandr Syrski, padvodziačy vyniki apieracyi ŭ Kurskaj vobłaści, paviedamiŭ, što rasijskija vojski na hetym kirunku stracili bolš za 20 tysiač vajskoŭcaŭ zabitymi i paranienymi.
«Za amal try miesiacy apieracyi pa stanie na 5 listapada 2024 hoda straty praciŭnika na Kurskim napramku ŭ asabovym składzie składajuć 20842 čałavieki, ź ich: likvidavana — 7905, paranieny — 12220, pałon — 717», — napisaŭ Syrski.
Pavodle jaho słoŭ, była źniščana 1101 adzinka ŭzbrajeńnia i vajskovaj techniki voraha. Ź ich 54 tanki, 276 bajavych braniravanych mašyn, 107 harmat i minamiotaŭ, 5 RSZA i 659 adzinak aŭtamabilnaj techniki.
Hałoŭnakamandujučy Ukrainy zaznačyŭ, što Rasija zasiarodziła na Kurščynie 45 tysiač vajskoŭcaŭ i sprabuje pavialičyć ich kolkaść.
«Ułasnych vojskaŭ Rasii na hety napramak nie chapaje, tamu jany sprabujuć pryciahnuć tudy vajskoŭcaŭ z Paŭnočnaj Karei», — napisaŭ Syrski.
Taksama jon napisaŭ, što rasijanie chacieli zachapić bolš terytoryj na poŭnačy Ukrainy ŭ Sumskaj vobłaści. Adnak ukraincy «zrabili previentyŭny krok i źniščajuć voraha na jaho terytoryi».
Ukrainskaja apieracyja ŭ Kurskaj vobłaści pačałasia 6 žniŭnia. 10 žniŭnia prezident Uładzimir Zialenski skazaŭ, što Ukraina vycieśniła vajnu na ziamlu ahresara.
Vajskovaja metazhodnaść apieracyi mnohimi analitykami stavicca pad sumnieŭ.
Ci zdaść Tramp Ukrainu Rasii? Čamu demakraty razhromlenyja? Da čaho pryviadzie kantrol respublikancaŭ nad vykanaŭčaj i zakanadaŭčaj uładaj adnačasova?58
Kamientary
Eto kakimi?
Poka vieśma udačnaja opieracija.
V otličije ot prošłohodniej.
Kotoraja pod somnienije nie staviłaś.
Vriad li etot nariad sił možno było ispolzovať łučšim obrazom.