U Babrujsku 12 listapada pačali razhladać spravu 52-hadovaha palitviaźnia Siarhieja Kanavałava.
Administracyja babrujskaj kałonii № 2 inicyjavała zaviadzieńnie spravy suprać Siarhieja pavodle č. 1 art. 411 KK (złosnaje niepadparadkavańnie administracyi kałonii). Ciapier jamu mohuć dadać jašče adzin hod źniavoleńnia. Praces budzie vieści sudździa Pavieł Karcinin, piša «Viasna».
Nahadajem, u vieraśni 2022 hoda Siarhieja asudzili pa kryminalnaj spravie ab «raspalvańni nacyjanalnaj i inšaj sacyjalnaj varožaści» (art. 130 KK) i ab «padrychtoŭcy da ździajśnieńnia akta teraryzmu» (č. 1 art. 13, č. 2 art. 289 KK). Jamu pryznačyli 15 hadoŭ kałonii va ŭmovach uzmocnienaha režymu, a taksama štraf u pamiery 300 bazavych vieličyń.
Kanavałaŭ pracavaŭ na Viciebskaj dystancyi sihnalizacyi i suviazi UP «Viciebskaje adździaleńnie Biełaruskaj čyhunki». Byŭ zatrymany 6 sakavika 2022 hoda. Zhodna z dadzienymi MUS, mužčyna nibyta płanavaŭ vyviadzieńnie sa stroju sistem, jakija zabiaśpiečvajuć biaśpieku čyhunačnaha ruchu.
Viarnuŭsia z vajny, uładkavaŭsia ŭ Varšavie, pasvaryŭsia z usimi — i źnik. Pryjacieli pra eks-kalinoŭca Maksima Ralko, jakoha zatrymali ŭ Biełarusi1818
Kamientary