Uładzisłaŭ Chandohij atrymaŭ pieršuju premiju 24-ha mižnarodnaha konkursu pijanistaŭ «Kampazitary Ispanii» (CIPCE), paviedamlaje belmir.by.
Naš 22-hadovy suajčyńnik byŭ pryznany pieramožcam adzinahałosna ŭsimi 13 členami žury — muzyčnymi ekśpiertami ź Ispanii, Hruzii, Kuby, Hiermanii, ZŠA, Charvatyi, Kitaja, Bielhii, Partuhalii i Italii.
Druhi pryz nie byŭ prysudžany. Treci, taksama pa adzinahałosnym rašeńni členaŭ žury, padzialili Čeń Čžyliń z Kitaja i Marta Techera Fiernandes ź Ispanii. Apošniaj taksama prysudzili premiju za najlepšuju interpretacyju ispanskaj muzyki.
Konkurs pravodzicca štohod i prachodzić u pryharadzie ispanskaj stalicy — nasielenym punkcie Łas-Rosas-de-Madryd, u miascovym Kancertnym zale Chaakina Radryha. Kožny hod jon pryśviačajecca tvorčaści adnaho ź ispanskich kampazitaraŭ.
U spabornictvie mohuć udzielničać pijanisty ź luboj krainy va ŭzroście da 36 hadoŭ. Jość čatyry etapy: anłajn-adbor, druhi tur (udzielničajuć maksimum 46 čałaviek), paŭfinał (maksimum 10) i finał (maksimum 3).
Konkurs byŭ pryśviečany kampazitaru Tomasu Marka. Usie ŭdzielniki pavinny byli vykonvać jaho tvory. Adnak u finale hrali kancert dla fartepijana z arkiestram. Usie finalisty vykanali tvory Rachmaninava.
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary