Chłopcu, jakoha ŭ SIZA źbiŭ syn Kadyrava, dali vielizarny termin za dziaržzdradu
Spačatku Mikitu Žuraŭla asudzili za spaleńnie Karana, a ciapier jaho pryznali vinavatym u dziaržaŭnaj zdradzie.
Vałhahradski sud prysudziŭ Mikitu Žuraŭla da 13,5 hoda kałonii strohaha režymu pavodle artykuła ab dziaržaŭnaj zdradzie, piša V1.ru.
Žuraŭla zatrymali ŭ traŭni 2023 hoda ŭ Vałhahradzie paśla taho, jak u telehram-kanale «Utro Dahiestana» apublikavali videa, na jakim čałaviek kala Vałhahradskaj sabornaj miačeci spalvaje Karan.
Spravu Žuraŭla pa rašeńni kiraŭnika Śledčaha kamiteta Alaksandra Bastrykina pieradali čačenskim siłavikam. Nieŭzabavie Ramzan Kadyraŭ apublikavaŭ videa, jak Žuraŭla ŭ SIZA źbivaje jahony 15-hadovy syn Adam.
Nijakich pravavych nastupstvaŭ hetaje źbićcio nie paciahnuła. Bolš za toje, Adam atrymaŭ ź dziasiatak dziaržaŭnych uznaharod i pasadu ŭ słužbie biaśpieki baćki. Sam Kadyraŭ na adnoj z pres-kanfierencyj zajaviŭ, što było b dobra, kali b jaho syn zabiŭ Žuraŭla.
U vyniku ŭ lutym 2024 hoda sud u Hroznym pryznačyŭ Žuraŭlu 3,5 hoda kałonii za abrazu relihijnych pačućciaŭ i chulihanstva. U spravie havorycca, što Žuraviel spaliŭ Karan pa zadańni Słužby biaśpieki Ukrainy.
U kastryčniku suprać Žuraŭla zaviali spravu ab dziaržaŭnaj zdradzie. Pavodle viersii śledstva, jon praź miesiendžar «inicyjatyŭna prapanavaŭ supracoŭnictva pradstaŭniku Słužby biaśpieki Ukrainy».
Žuraviel u sakaviku 2023 hoda nibyta adpraviŭ ahientu SBU videazapisy čyhunačnaha sastava, jaki pieravoziŭ vajskovuju techniku rasijskich uzbrojenych sił i samaloty vajskovaha pryznačeńnia. Taksama Žuraŭla abvinavacili ŭ pieradačy źviestak ab pieramiaščeńni słužbovaha aŭtamabila adnoj z vajskovych čaściej.
Z ulikam nieadbytaha pakarańnia pa pieršaj spravie Žuraŭlu pryznačyli 14 hadoŭ pazbaŭleńnia voli.
Chłopcu, jaki spaliŭ Karan i jakoha źbiŭ syn Kadyrava, dali try z pałovaj hady kałonii
Mikitu Žuraŭla, jaki spaliŭ Karan i jakoha źbiŭ syn Kadyrava, paprasili prysudzić da troch z pałovaj hadoŭ kałonii
Kadyraŭ publična paškadavaŭ, što jahony syn nie zabiŭ čałavieka ŭ SIZA
15-hadovaha Adama Kadyrava, jaki źbiŭ Mikitu Žuraŭla ŭ SIZA, uznaharodzili vośmym i dziaviatym ordenami
Kadyraŭ pryhraziŭ Sabčak, kab «nie čapała» jaho siamju, i patłumačyŭ vychadku svajho syna ŭ SIZA
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ8
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3434
Kamientary