Usim inkryminavany niepadparadkavańnie patrabavańniam palicyi i drobnaje chulihanstva.
MUS Hruzii paviedamiła ab 43 zatrymanych padčas pratesnaj akcyi na praśpiekcie Rustavieli ŭ Tbilisi, piša Newsgeorgia.ge.
Usim inkryminavany niepadparadkavańnie patrabavańniam palicyi i drobnaje chulihanstva — artykuły 166 i 123 Kodeksa administracyjnych pravaparušeńniaŭ.
Pavodle infarmacyi MUS, demanstranty kidali ŭ palicyju plaški, kamiani, mietaličnyja pradmiety i piratechniku, a taksama «nanosili škodu infrastruktury, darožnamu pakryćciu, kamieram videanazirańnia, padpalili niekatoryja pradmiety, uźviali barjery, nanieśli škodu majomaści meryi Tbilisi i pryvatnych asob».
MUS paviedamlaje, što paciarpieli 32 palicyjanty. Kolkaść demanstrantaŭ i žurnalistaŭ, jakim była patrebnaja miedycynskaja dapamoha, nie paviedamlajecca.
Pa faktach parušeńniaŭ, zafiksavanych na mitynhu, taksama raspačatyja kryminalnyja spravy — pa artykułach ab paškodžańni abo źniščeńni rečaŭ i napadzie na supracoŭnika palicyi.
Tysiačy ludziej spantanna sabralisia kala parłamienta ŭviečary paśla taho, jak premjer Irakli Kabachidze abviaściŭ pra admovu ad pačatku pieramoŭ pra ŭstupleńnie Hruzii ŭ Jeŭrapiejski Sajuz. Da 9 viečara pratestoŭcy pierakryli praśpiekt Rustavieli, a paśla zaniali i inšyja prylehłyja vulicy, na jakich znachodziacca słužbovyja ŭvachody ŭ parłamient.
Paśla apoŭnačy suprać demanstrantaŭ stali vykarystoŭvać śpiecyjalnyja srodki, u MUS zajavili, što «akcyja vyjšła za miežy mirnych schodaŭ». Da 2 hadzin nočy pačaŭsia razhrom pratestoŭcaŭ i masavyja zatrymańni. Jak adznačyŭ narodny abaronca Hruzii Levan Iasieliani, demanstracyja nasiła mirny charaktar, a dziejańni palicyi parušyli svabodu schodaŭ. U ŚMI źjavilisia kadry šmatlikich faktaŭ źbićcia ŭdzielnikaŭ akcyi, u tym liku žurnalistaŭ i palitykaŭ.
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary