Ahienty HRU Miškin i Čapiha, jakija atrucili Skrypaloŭ, viarbujuć ludziej dla dyviersij u Jeŭropie
Ahienty HRU, jakija atrucili Skrypaloŭ u Sołśbiery, zajmajucca viarboŭkaj ludziej dla arhanizacyi dyviersij u Jeŭropie. Ab hetym u efiry «Doždia» raskazaŭ žurnalist Der Spiegel i The Insider Chrysta Hrozieŭ.
«Čapiha zaraz žyvie na Mičurynskim praśpiekcie ŭ Maskvie i zajmajecca navučańniem inšych špijonaŭ, jak prafiesijnych śpiecyjalistaŭ, tak i nieprafiesijnych złačyncaŭ. Pra Miškina my viedajem, što ŭ pačatku vajny jon znachodziŭsia za linijaj frontu. Jon byŭ častkaj hrupy, jakaja ździajśniała dyviersii na ŭkrainskaj terytoryi, ale pa apošnich danych jon taksama zajmajecca navučańniem i viarboŭkaj», — raskazaŭ žurnalist.
Pavodle jaho słoŭ, viarboŭkaj ludziej dla arhanizacyi dyviersij u Jeŭropie zajmajecca centr HRU, u skład jakoha ŭvachodzić u tym liku adździeł 29155, jaki arhanizavaŭ atručeńnie Siarhieja Skrypala i jaho dački, a taksama vybuchi na składach u Čechii.
Jon dadaŭ, što kamandzir častki 29155 u HRU Andrej Aviarjanaŭ, jaki kuryravaŭ atručeńnie Skrypaloŭ, «dabiŭsia taho, što staŭ samym važnym čałaviekam u HRU». Ciapier jon pieršy namieśnik kiraŭnika HRU i kuryruje adrazu čatyry adździeły. Pavodle słoŭ žurnalista, Aviarjanaŭ taksama zajmaŭsia viarboŭkaj talibaŭ u Afhanistanie z metaj zabojstvaŭ amierykanskich sałdat.
Anatolij Čapiha (Bašyraŭ) i Alaksandr Miškin (Piatroŭ) — supracoŭniki HRU Rasii, jakich ułady Vialikabrytanii abvinavacili ŭ atručeńni byłoha supracoŭnika HRU Sierhieja Skrypala i jaho dački Julii ŭ anhlijskim Sołśbiery ŭ 2018 hodzie. Pavodle viersii ŭładaŭ Čechii, Miškin i Čapiha taksama majuć dačynieńnie da vybuchaŭ na składzie zbroi ŭ češskaj vioscy Vrbietycy ŭ 2014 hodzie.
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary
Padmyškina treba adklikać damoŭ i na padvał za ŭdałuju pracu ŭznaharodzić "vniečieriednoj posadkoj" na plašku.