Stylnaja karejanka, što skaryła sercy hledačoŭ Alimpijady, trapiła ŭ śpis «100 žančyn 2024 hoda»
Bi-bi-si apublikavała śpis 100 natchnialnych i ŭpłyvovych žančyn z usiaho śvietu za 2024 hod. Siarod ich i karejskaja strałok Kim Je Džy.
Bi-bi-si apublikavała śpis 100 natchnialnych i ŭpłyvovych žančyn z usiaho śvietu za 2024 hod. Siarod ich — łaŭreatka Nobieleŭskaj premii miru Nadzia Murad, achviara zhvałtavańnia i aktyvistka Žyzel Pieliko, aktrysa Šeran Stoŭn, śpiavačka Rej, mastačka Trejsi Emin.
Trapiła ŭ śpis i karejskaja strałok Kim Je Džy, jakaja zapomniłasia stylnymi pavodzinami na Alimpijadzie, nie horaj za taho samaha spakojnaha i vytrymanaha turka Jusiefa Dykieča.
Sioleta Kim Je Džy skaryła śviet svaimi spartyŭnymi dasiahnieńniami i charyzmaj, piša Bi-bi-si.
Na svaich pieršych Alimpijskich hulniach u Paryžy jana zavajavała srebra ŭ stralbie ź pnieŭmatyčnaha pistaleta na 10 mietraŭ siarod žančyn. Niekalkimi miesiacami raniej jana ŭstanaviła suśvietny rekord pa stralbie ź pistaleta na 25 mietraŭ.
Jaje videaroliki ŭ sacyjalnych sietkach imhnienna stali virusnymi. Hledačoŭ skaryli jaje strymanaść i spakoj, a taksama nievierahodnaja charyzma i majsterstva abychodžańnia sa zbrojaj. Nu i viadoma, jaje niaźmiennyja futurystyčnyja akulary.
Kim Je Džy adkryta kaža pra toje, jakoj joj ujaŭlajecca adkaznaść, jakaja prychodzić da žančyn z maciarynstvam. Jana vyrašyła ŭziać pierapynak u spartyŭnaj karjery, kab pravodzić bolš času i sa svajoj šaścihadovaj dačkoj.
«U sporcie važnyja stojkaść, ćviordaść i kamandny duch. Ja liču, što hetyja kaštoŭnaści vychodziać daloka za ramki spartyŭnych placovak i mohuć natchnić na bolš šyrokija źmieny ŭ hramadstvie», — kaža Je Džy.
Kamientary