Majstra «Hrodnažyłbuda» asudzili na čatyry hady kałonii za kamientary pra siłavikoŭ i ŭdzieł u pratestach
Hrodzienski abłasny sud u budynku suda Kastryčnickaha rajona Hrodna 22 listapada razhladzieŭ kryminalnuju spravu suprać palitviaźnia Dźmitryja Hołuba.
Jaho sudzili pavodle troch kryminalnych artykułaŭ:
- č. 1 art. 130 (raspalvańnie inšaj sacyjalnaj varožaści),
- č. 1 art. 368 (abraza Łukašenki),
- č. 1 art. 342 (aktyŭny ŭdzieł u dziejańniach, jakija hruba parušajuć hramadski paradak).
Sudździa Dźmitryj Bubienčyk pryznačyŭ palitviaźniu čatyry hady kałonii va ŭmovach ahulnaha režymu, piša «Viasna».
Pavodle materyjałaŭ kryminalnaj spravy, Dźmitryj ź listapada 2019 hoda pa studzień 2024 hoda pakidaŭ kamientary ŭ čatach Telegram i na YouTube-kanale pra siłavikoŭ, žurnalistaŭ, pradstaŭnikoŭ ułady i Łukašenku. Taksama jaho abvinavacili va ŭdziele ŭ akcyi pratestu ŭ 2020 hodzie.
Na abviaščeńnie prysudu ŭ sudovuju zału pryviali studentaŭ Hrodzienskaha dziaržaŭnaha ŭniviersiteta imia Janki Kupały. Paśla studentam praviali lekcyju «na temu ekstremizmu».
Kamientary