Zasnavalnicu muzieja ŭ Iŭi, jakaja źjechała ź Biełarusi, pieravodziać z zavočnaj chatniaj chimii na zavočnuju chimiju z nakiravańniem
Zasnavalnicy i pieršaj dyrektarcy Iŭjeŭskaha muzieja nacyjanalnych kultur Rehinie Łavor chočuć źmianić mieru strymańnia. Jana pakinuła Biełaruś u 2023 hodzie.
Sprava ab «zamienie abmiežavańnia voli biez nakiravańnia ŭ papraŭčuju ŭstanovu adkrytaha typu» razhladałasia 11 śniežnia ŭ sudzie Iŭjeŭskaha rajona. Praces vioŭ sudździa Uładzimir Radziuk.
«Sudovaje pasiedžańnie budzie, kaniešnie, farmalnym. 10 minut i prysud. Mahčyma, budzie pryznačany advakat ad dziaržavy. Pastanovu suda ja atrymać nie zmahu, jak i nie była zaprošana na hetaje pasiedžańnie. Kaliści mnie hety sudździa skazaŭ: «Rehina Miečysłavaŭna kali ja nie asudžu vas, to asudziać mianie», — napisała Rehina Łavor u fejsbuku.
U vieraśni 2021 hoda Rehinu Łavor prysudzili da dvuch hadoŭ «chatniaj chimii» pa artykule ab abrazie pradstaŭnika ŭłady (žančyna napisała ŭ telehramie kamientary na adras načalnika Iŭjeŭskaha RAUS i staršaha inśpiektara). Za parušeńnie režymu «chatniaj chimii» jana atrymała 10 sutak administracyjnaha aryštu. Tam jana trymała haładoŭku. U kastryčniku 2022 hoda jaje ŭnieśli ŭ «pieralik asob, jakija majuć dačynieńnie da ekstremisckaj dziejnaści».
U 2023 hodzie Rehina Łavor vyjechała ź Biełarusi.
«Mianie vypuścili na doŭhija vychodnyja, kab mahli adsiadzieć inšyja parušalniki». Byłaja dyrektarka Iŭjeŭskaha muzieja źbiehła z chimii, a ciapier robić vyšyvanki ŭ Biełastoku
«Chatniuju chimicu» Rehinu Łavor ź Iŭja zabrała z doma milicyja
Bolš za 25 pravierak za miesiac i zabarona na tualet. Jak žycharka Iŭja adbyvaje «palityčnuju chatniuju chimiju»
Aryštavanaja na 10 sutak zasnavalnica muzieja ŭ Iŭi abviaściła haładoŭku
Kamientary