Novaja redakcyja dakumienta apublikavanaja na Nacyjanalnym pravavym internet-partale. U padkarektavanym dakumiencie ŭtrymlivajecca punkt 54, jaki vyznačaje paradak pakryćcia strat dziaržarhanizacyj, jakija źviazanyja z utrymańniem internataŭ i niepakrytymi płaciažami hramadzian, jakija ŭ ich žyvuć.
Pavodle novaha zakona straty kampiensujuć biudžetnyja arhanizacyi, rabotniki jakich i ich siemji žyvuć u internacie. Pakryćcio vydatkaŭ adbyvajecca za košt biudžetnych (pazabiudžetnych) srodkaŭ hetych arhanizacyj praparcyjna płoščy pamiaškańniaŭ. Kali miescy ŭ internacie padavalisia pa chadajnictvie — to za košt tych arhanizacyj, čyje supracoŭniki žyvuć u internacie, i jašče inšych krynic, jakija nie zabaronienyja zakonami.
Kali najmalnik — niepracazdolny, čałaviek, jaki dasiahnuŭ piensijnaha ŭzrostu, abo invalid pieršaj i druhoj hrup, to straty kampiensujuć miascovyja vykanaŭčyja i rasparadčyja orhany sa srodkaŭ miascovaha biudžetu. Taksama ź miascovaha biudžetu kampiensujucca vydatki na ŭtrymańnie zabraniravanych žyłych pamiaškańniaŭ u internacie, da zaklučeńnia damovy najmu.
U pałažeńni pad stratami majecca na ŭvazie častka faktyčna paniesienych vydatkaŭ na žyllova-kamunalnyja pasłuhi, vydatki na elektraenierhiju dla aśviatleńnia dapamožnych pamiaškańniaŭ i pracu abstalavańnia, u tym liku liftaŭ.
Pastanova nabyvaje zakonnuju siłu z 1 studzienia 2025 hoda.
Sankcyi dla sudździaŭ, 30 miljonaŭ jeŭra dapamohi, niepryznańnie vybaraŭ-2025 — raskazvajem pra vyniki Dzion Biełarusi ŭ Bruseli16
Kamientary