Kandydatami ŭ prezidenty zarehistravali Łukašenku i ŭsich čatyroch jaho sparynh-partnioraŭ
Zarehistravanyja Alaksandr Łukašenka, Siarhiej Syrankoŭ, Alaksandr Chižniak, Aleh Hajdukievič i Hanna Kanapackaja.
Zbor podpisaŭ u padtrymku pretendentaŭ zaviaršyŭsia 6 śniežnia. Pa viersii CVK, usie kandydaty zmahli sabrać nieabchodnyja 100 tysiač podpisaŭ.
Centrvybarkam ahučyŭ takija ličby sabranych podpisaŭ za kandydataŭ u prezidenty.
1. Łukašenka — 2 518 145
2. Hajdukievič — 134 472
3. Syrankoŭ — 125 577
4. Kanapackaja — 121 077
5. Chižniak — 112 779
Zbor podpisaŭ prajšoŭ «va ŭstanoŭlenym zakonam paradku», zajaviŭ staršynia Centralnaj vybarčaj kamisii Ihar Karpienka na pasiadžeńni CVK.
«U CVK skarhi nie pastupali. Vybarščyki źviartalisia ŭ infarmacyjna-daviedačny centr CVK z pytańniami ab miescy praviadzieńnia pikietaŭ pa zbory podpisaŭ, ab dakumientach, jakija paćviardžajuć paŭnamoctvy členaŭ inicyjatyŭnych hrup, ab mahčymaści pastavić podpis pry pradjaŭleńni inšaha, akramia pašparta abo identyfikacyjnaj karty, dakumienta», — raskazaŭ Ihar Karpienka.
Zarehistravanyja Alaksandr Łukašenka, Siarhiej Syrankoŭ, Alaksandr Chižniak, Aleh Hajdukievič i Hanna Kanapackaja.
Tak zvanaja ahitacyjnaja kampanija projdzie z 1 pa 25 studzienia. Vybary — 26 studzienia.
«Admyvaŭ haŭno z unitazaŭ, my tam jak samyja končanyja». Błohier Vadzim Vadimati Jermašuk — pra toje, jak žyŭ u kałonii ŭ «nizkim statusie»36
Kamientary