Studentaŭ, jakija viartajucca na kanikuły z-za miažy, apytvajuć na hranicy siłaviki

Jak paviedamiła adna z krynic, niekatorych studentaŭ, jakija viartajucca na zimovyja vakacyi ŭ Biełaruś, siłaviki spyniajuć na miažy: u pryvatnaści, cikaviacca, čamu jany pastupili ŭ zamiežnyja VNU, praviarajuć smartfony. Infarmacyja pra dopyty na miažy źjaviłasia ŭ zakrytym studenckim telehram-čacie.

Žurnalisty parazmaŭlali ź jurystkaj Śviatłanaj Hałaŭniovaj pra toje, što rabić, kali vy abo vašyja znajomyja trapicie ŭ takuju situacyju.

— Pakul składana kazać pra ich matyvy i pra toje, da čaho heta moža pryvieści. Jość imaviernaść, što paźniej mohuć uvieści štrafy za toje, što ludzi nie paviedamili pra najaŭnaść dazvołu na žycharstva ŭ inšych krainach.

Kab maksimalna zaścierahčy siabie ad prablem, padčas takich razmoŭ ja b rekamiendavała davać minimum infarmacyi.

Razmova na miažy adroźnivajecca ad vykliku ŭ RUUS?

— Heta jašče bolš stresavy stan: čałavieka zatrymali, adviali ŭ asobnaje pamiaškańnie, a jaho čakaje poŭny aŭtobus. U takoj situacyi ja b rekamiendavała ŭvohule admovicca ad dačy pakazańniaŭ.

Možna skazać, što vy zaraz chvalujeciesia, vas čakaje aŭtobus, i tamu vy nie hatovyja razmaŭlać. Vy možacie dać svoj biełaruski adras i paprasić vyklikać vas u inšy dzień.

@belarusnovosti Doprosy studientov, kotoryje učatsia za hraniciej #hranica #biełaruśnovosti #novostibiełarusi #minsksiejčas #biełorusyvpolšie #biełorusy ♬ orihinalnyj zvuk - Biełaruś Novosti

Jak adkazvać na pytańni siłavikoŭ?

— U tym, što čałaviek vučycca, naprykład, u Polščy, pakul niama ničoha kryminalnaha. Akramia taho, tyja, chto vyklikajuć na razmovu, užo viedajuć, što student vučycca za miažoj. U hetym vypadku možna skazać, što vy vybrali polskuju VNU, bo vam padabajecca śpiecyjalnaść.

Nie varta ničoha kazać pra palityčnyja matyvy abo stypiendyi, jakija vydzialajucca na padtrymku represavanych studentaŭ. Taksama nie varta zhadvać pra toje, što vy płanavali pastupać u Polšču i dla hetaha vučyli movu.

Prytrymlivajciesia praŭdy, ale nie davajcie zanadta šmat infarmacyi. Taksama nie padpisvajcie nijakich papier, kali razmova prachodzić nie jak aficyjny dopyt.

Što rabić, kali mianie vyklikali na dopyt užo ŭ Biełarusi?

— Kali dopyt tyčycca niepaŭnaletniaha studenta, ja b rekamiendavała chadzić na takija razmovy tolki z baćkami. Baćkam u svaju čarhu ja b raiła daviedacca, čamu siłavyja orhany cikaviacca vučobaj dziciaci, i paprasić vyklikać na dopyt pozvaj.

Što tyčycca paŭnaletnich studentaŭ, varta pamiatać, što jość roźnica pamiž vyklikam na razmovu i dopytam. Kali heta razmova, to čałaviek idzie pa svajoj voli. Tamu jon maje prava spynić razmovu ŭ luby momant.

Kali heta vyklik na dopyt pa poźvie, dziejničajuć inšyja praviły — vy abaviazany źjavicca. Ale pry hetym vy nie abaviazany śviedčyć suprać siabie i ŭvohule možacie admovicca adkazvać na šerah pytańniaŭ.

• 7
• 0
• 2
• 4
• 2
• 0
• 6
• 0