«Nie spadabajecca — nazad pajedu»: palitźniavoleny pamočnik prakurora Babak z‘javiŭsia ŭ sacsietkach FOTA
Jaŭhien Babak pravioŭ za kratami try z pałovaj hady. A siońnia apublikavaŭ miełanchaličnaje fota z bara ŭ svaim instahramie.
Palitviazień, były pamočnik prakurora Jaŭhien Babak vyjšaŭ na volu. Jon apublikavaŭ storys u instahramie.
«Ja tut ahledžusia chutka. Kali nie spadabajecca, nazad pajedu. Adčuvaju siabie inšarodnym elemientam. «Tam» było praściej», — ci to ź ironijaj, ci to ŭsurjoz napisaŭ eks-palitviazień.
Da rezkaha pavarotu losu ŭ 2020-m Babak pracavaŭ pamočnikam prakurora Pieršamajskaha rajona Minska. Jon staŭ viadomy, kali inicyjavaŭ pravierku ludziej u formie DAI, jakija źbili bajkieraŭ va Uruččy nočču 11 žniŭnia. Praviercy, adnak, nie dali chod, a samoha Babaka prymusili zvolnicca.
U 2021 hodzie kvateru byłoha pamočnika prakurora razhramili siłaviki, a jaho samoha zatrymali. 12 maja 2022 hoda sudździa Minskaha haradskoha suda Valancina Ziańkievič pryznačyła Babaku 4 hady kałonii pavodle dvuch palityčnych artykułaŭ: udzieł u pratestach i raspalvańnie varožaści.
Jaŭhiena ŭnieśli ŭ śpisy «ekstremistaŭ» i «terarystaŭ», a Łukašenka pazbaviŭ jaho čynu jurysta 1-ha kłasa.
Ciapier čytajuć
Ministr unutranych spraŭ Litvy aburany pieravozčykami: Paśla pajezdki ŭ Biełaruś jany viartajucca z pramytymi mazhami5
Ministr unutranych spraŭ Litvy aburany pieravozčykami: Paśla pajezdki ŭ Biełaruś jany viartajucca z pramytymi mazhami
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy2121
Kamientary