U Mieksicy šukajuć prastytutku z Rasii, jakaja pakinuła dzicia adno doma i pajechała ŭ kłub. Chłopčyk pamior ad hoładu
Napiaredadni Novaha hoda 34-hadovaja rasijanka Volha Idelevič patelefanavała daktaram, skazaŭšy, što jaje dzicia drenna pačuvajecca, pišuć «Ostorožno, novosti».
Miedyki znajšli 6-hadovaha Amara, kali jon užo byŭ biez prytomnaści, — u kvatery biez vady, hazu i aciapleńnia. Chłopčyka advieźli ŭ balnicu, ale vyratavać jaho nie ŭdałosia.
Idelevič zajaviła palicejskim, što drenna viedaje ispanskuju movu i admoviłasia davać pakazańni. Nieŭzabavie paśla sychodu supracoŭnikaŭ jana źbiehła z kvatery. Na dadzieny momant jaje miescaznachodžańnie nieviadomaje.
Pavodle papiarednich danych śledstva, žančyna była seks-rabotnicaj. Za niekalki dzion da vykliku daktaroŭ jana pajšła ŭ načny kłub, pakinuŭšy Amara adnaho.
Šeść hadoŭ tamu žančyna naradziła chłopčyka ad mieksikanca Marka Antonia Midžanhasa, ale ŭ tym ža hodzie para razyšłasia, i Volha padała na mužčynu ŭ sud. Na jaje staroncy ŭ Facebook apublikavany šmatlikija zvaroty da Marka: jana pisała, što baćka nijak nie ŭdzielničaje ŭ vychavańni syna i navat nie sprabuje dapamahčy finansava.
Jak miarkujuć miascovyja žurnalisty, kab prakarmić siamju, Idelevič była vymušana zaniacca seks-biznesam.
«Jon na nastupny termin nie budzie abiracca». Słovy Łukašenki 26 studzienia analizuje Mikoła Buhaj25
Kamientary