Pracadaŭcy bolš nie chočuć vypusknikoŭ z ekanamičnaj adukacyjaj
«Vučyciesia pamylacca, a nie biznes-płanam!» — zaklikaŭ u svoj čas Nasim Taleb biełaruskich biznesoŭcaŭ. Novyja danyja pakazvajuć, što vykazvańnie Taleba — niešta bolšaje, čym jarki słohan.
Nie tak daŭno tytuł MBA — mahistr biznesu — byŭ kvitkom u śviet vysokaha biznesu. Siońnia ŭsio bolš vypusknikoŭ hetych prahram sutykajucca ź ciažkaściami pry pošuku pracy — piša polski partał onet.pl.
Dola vypusknikoŭ, jakija znachodziać pracu ŭ pieršyja miesiacy paśla zakančeńnia vučoby, skaračajecca navat u takich prestyžnych amierykanskich univiersitetach, jak MIT Sloan. Piać-dziesiać hod tamu 93% vypusknikoŭ znachodzili pracu na praciahu troch miesiacaŭ paśla vučoby, u 2024 hodzie hety pakazčyk źniziŭsia da 77%.
Na dumku ekśpiertaŭ, źnižeńnie prestyžu MBA abumoŭlena šeraham faktaraŭ. Pa-pieršaje, mnohija kampanii addajuć pieravahu navukovym stupieniam jak bolš nadziejnamu pakazčyku viedaŭ i kampietencyj, asabliva ŭ dakładnych navukach i inžynieryi.
Pa-druhoje, raście ŭśviedamleńnie klučavoj roli praktyčnaha vopytu. Nasim Taleb nie adziny ŭ svaim skieptycyźmie da «biznes-płanaŭ» i biznes-adukacyi. Toj ža Iłan Mask taksama nieadnarazova krytykavaŭ mieniedžaraŭ z MBA za niedachop realnych biznes-kampietencyj.
Aŭtary taksama adznačajuć, što apošnija hady dola vypusknikoŭ MBA, jakija tradycyjna išli ŭ śfiery finansaŭ i kansałtynhu, značna skaraciłasia. U 2024 hodzie kolkaść vypusknikoŭ, jakija pačali pracu ŭ viadučych kansałtynhavych firmach, pamienšała na čverć u paraŭnańni z papiarednimi tryma hadami. Anałahičnaja situacyja nazirajecca i ŭ technałahičnych kampanijach, dzie najm vypusknikoŭ MBA skaraciŭsia ŭdvaja.
Niahledziačy na hetyja tendencyi, niekatoryja vypuskniki robiać vybar na karyść pradprymalnictva. Papularnaść nabirajuć tak zvanyja «fondy pošuku», search funds, jakija dajuć mahčymaść vypusknikam kuplać małyja biznesy i kiravać imi. Heta mienš ryzykoŭnaja alternatyva tradycyjnamu startapu, jakaja pryciahvaje ŭsio bolš studentaŭ.
Pierahlad struktury i ŭtrymańnia prahram MBA stanovicca ŭsio bolš vidavočnaj nieabchodnaściu, śćviardžajuć žurnalisty The Economist. Univiersitety pavinny adaptavacca da sučasnych patrabavańniaŭ rynku, dzie ŭsio bolšuju rolu adyhryvajuć techničnyja navyki i miždyscyplinarny padychod. Biez hetych źmien ich značeńnie budzie jašče bolš źmianšacca.
Ciapier čytajuć
Ananimy — historyi biełarusaŭ, jakim prychodzicca šyfravacca, bo režym ličyć ich dziejnaść «kryminałam»10
Ananimy — historyi biełarusaŭ, jakim prychodzicca šyfravacca, bo režym ličyć ich dziejnaść «kryminałam»
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary
Kiroŭcaj nie biaruć, meblu skručvać nie biaruć.
Chiba ježu z torbaj raznosić.
Dy i toje kryviacca.