Samy skandalny tokien 2024 hoda pieražyŭ jaho nienadoŭha. Hamster Kombat zakryvajuć
Samy papularny tokien 2024 hoda Hamster Kombat blizki da kančatkovaha zakryćcia. Kryptabirža Bybit anansavała jahonaje budučaje vyklučeńnie ź listynha. Rašeńnie tłumačycca nizkaj likvidnaściu.

U vieraśni stvaralniki praviali listynh tokiena HMSTR, ale kurs maniety na kryptabiržy chutka abvaliŭsia, a hulcy stracili ŭsie układzienyja ŭ tielehram-hulniu siły. Užo da listapada Hamster Kombat straciŭ 58% aŭdytoryi (zamiest 110 miljonaŭ na bot byli padpisanyja tolki 45,9 miljona), a ciapier, u studzieni 2025-ha, ich zastałosia 16 miljonaŭ.
Ciapier ža zaviaršyłasia i prasoŭvańnie Hamster Kombat na kryptarynku. Birža Bybit abviaściła ab vyklučeńni spotavaj pary HMSTR/EUR ź listynha, pryčyna — nizkaja likvidnaść.
«Hetaje rašeńnie pryniata ŭ adpaviednaści z pratakołam delistynhu, metaj jakoha źjaŭlajecca zabieśpiačeńnie najlepšych umoŭ handlu i abarona trejdaraŭ ad rezkaj vałacilnaść cenaŭ», — havorycca na sajcie placoŭki.
Kurs maniety Hamster Kombat sapraŭdy krytyčna padaje. Na samaj papularnaj kryptabiržy Binance pa stanie na 15:00 18 studzienia 2025 hoda kurs tokiena «Chamiaka» składaŭ $0,003.
Na starcie prodažaŭ pakazčyki tokiena dasiahali $0,011, a da kastryčnika ŭpali da adznaki $0,004. U listapadzie kurs troški pavialičyŭsia, ale hetaha ŭsio adno nie chapiła dla narmalnaha handlu na rynku.
U Bybit udakładnili, što spyniać handal HMSTR/EUR 24 studzienia ŭ 8:00 UTC (11:00 pa Minsku), ale praciahnuć padtrymku spotavych par HMSTR/USDT i HMSTR/USDC.
Tokien «Chamiaka» pa-raniejšamu možna budzie vyvieści, ale paśla 24 studzienia ŭsie adkładzienyja ordery buduć aŭtamatyčna vydalenyja.
Miljony ludziej niaspynna klikajuć na vyjavu chamiaka na telefonie, kab atrymać hrošy. Jak heta pracuje?
Arhanizatary Hamster Kombat razdali maniety. Kolki atrymali ŭdzielniki?
Rasijski śled u šalona papularnaj hulni Hamster Kombat usio bolš vidavočny
Rasčaravany prybytkam ad «tapańnia chamiaka» biełarus paskardziŭsia ŭ tavarystva abarony pravoŭ spažyŭcoŭ. Ci spracavała?
Kamientary