chutčej druhoje, čym pieršaje adkazvajuć układalniki litaraturnaj i histaryčnaj antałohii «Tysiača hadoŭ dobramu susiedstvu».
U Minsku vyjšła antałohija, pryśviečanaja biełaruska-litoŭskim kulturnym i histaryčnym suviaziam. U pieršaj častcy knihi: dysputy i dyjałohi biełaruskich i litoŭskich historykaŭ i kulturnych dziejačaŭ nakont supolnaha minułaha i kulturnaj spadčyny VKŁ. Druhaja častka — vieršy i prazaičnyja tvory biełaruskich aŭtaraŭ pra Litvu i Vilniu (ad starabiełaruskich letapisaŭ praz Bahuševiča i da Baradulina). Treciaja — pierakłady tvory litoŭskich paetaŭ i pismieńnikaŭ (takich jak Uładasa Braziunasa i Mikałojusa Čurlonisa). Čaćviortaja — litaraturaznaŭčyja i krytyčnyja artykuły, pryśviečanyja biełaruska-litoŭskamu kulturnamu sužyćciu za aŭtarstvam Adama Maldzisa i Hiedryka Piatkieviča.
Akramia mastackich vartaściaŭ hetaja kniha maje i palityčnuju padaploku. Pa-pieršaje, heta ci nie pieršaje takoje knižnaje vydańnie pad patranažam Litoŭskaha pasolstva ŭ Minsku, dzie adkryta kažacca pra niazručnyja nie tolki dla nas, ale dla litoŭcaŭ fakty z najnoŭšaj historyi. Pa-druhoje, «Tysiača hadoŭ dobramu susiedstvu» vydajecca na tle zajavaŭ novaha kiraŭnika litoŭskaha MZS Aŭdroniusa Ažubalisa pra toje, što Vilnia nie tolki kulturnaja spadčyna litoŭcaŭ, ale i biełarusaŭ, palakaŭ, rasijcaŭ. Raniej takich zajavaŭ pra ahulnuju spadčynu z boku litoŭskich uładaŭ nie było i blizka. Nie zabudziemsia taksama niadaŭni maštabnaj čyn litoŭskaha pasolstva pa ładžańni ŭ Biełarusi biełaruska-litoŭskich kulturny imprezaŭ, pryśviečanych 1000-hodździu taponimu «Litva».
Chacia bolšaść palemičnych materyjałaŭ knihi «Tysiača hadoŭ dobramu susiedstvu» datujucca jašče 90-mi hadami, niama sumnievu, što hetym vydańniem biełaruskaja elita ŭ asobie «Biełaruskaj asacyjacyi biełarusistaŭ» i Litoŭskaja dziaržava ŭ asobie Pasolstva Litvy ŭ Biełarusi zrabili pa kroku nasustrač u spravie histaryčnaha i kulturnaha parazumieńnia.
Tysiača hadoŭ dobramu susiedstvu. Biełaruska-litoŭskaje histaryčnaje i litaraturnaje sužyćcio. Antałohija. Składalnik Siarhiej Paniźnik. Minsk: «Knihazbor», 2009. - 452s., 700 as.
Łukašenka pamiłavaŭ eks-kiraŭnika svajoj achovy Uciuryna6
Kamientary