Hramadstva44

Śledčyja Ukrainy padazrajuć supracoŭnikaŭ MUS u zabojstvie biełarusa Žyźnieŭskaha, jakoje adbyłosia 11 hadoŭ tamu

Biełarusa Michasia Žyźnieŭskaha zabili 22 studzienia 2014 hoda padčas Jeŭramajdanu ŭ Kijevie. Paźniej jaho pryznali Hierojem Ukrainy, a ŭ 2017 hodzie tahačasny prezident Piatro Parašenka pieradaŭ Zorku Hieroja baćkam. Zabojca dahetul nie znojdzieny, piša Radyjo Svaboda.

Ukrainskaja mastačka Maryna Sačenka ŭviekaviečyła Michasia Žyźnieŭskaha ŭ ikonie-frescy ŭ kaplicy na Askoldavaj mahile ŭ Kijevie. Kaplica naležyć Ukrainskaj hreka-katalickaj carkvie. Ilustracyjnaje fota

Śledčyja Dziaržaŭnaha biuro rasśledavańniaŭ (DBR) Ukrainy praciahvajuć rasśledavańnie hibieli pieršych achviar padčas supraćstajańnia pamiž milicyjaj i pratestoŭcami ŭ studzieni 2014 hoda, kali ŭ Kijevie prachodzili masavyja akcyi pratestu.

Siarod pieršych achviar, jakija zahinuli 22 studzienia 2014 hoda, — biełarus Michaś Žyźnieŭski i hramadzianie Ukrainy Siarhiej Nihajan i Raman Sienik.

«Śledstva praciahvaje praviarać supracoŭnikaŭ MUS, jakija nieśli słužbu ŭ dzień zabojstvaŭ. Taksama jašče praciahvajucca sudovyja ekśpiertyzy i adpracoŭka śviedak», — paviedamiła dziaržaŭnamu ahienctvu «Ukrinform» prakuror Ludmiła Haŭryš, jakaja ažyćciaŭlaje pracesualnaje kiraŭnictva ŭ spravach Majdana.

Śledčaja DBR Volha Paŭluk adznačyła, što rasśledavańnie pieršych zabojstvaŭ na Majdanie ŭskładniajecca praz adsutnaść jakasnych videazapisaŭ momantu złačynstvaŭ, a taksama niepasrednych śviedak.

«My pastajanna praviarajem pracaŭnikoŭ pravaachoŭnych orhanaŭ, jakija znachodzilisia ŭ miescach, dzie byli ŭčynieny zabojstvy, u tym liku tych, chto mieŭ ahniastrelnuju zbroju — hładkastvolnyja pompavyja strelby madeli «Fort-500»», — skazała Volha Paŭluk.

Pavodle jaje słoŭ, ciapier pravodziacca dopyty asob, jakija mohuć mieć važnuju dla śledstva infarmacyju, i praciahvajucca śledčyja dziejańni ź ich udziełam.

«Ekśpiertnyja ŭstanovy pravodziać miedyka-kryminalistyčnyja i kompleksnyja sudova-miedycynskija ekśpiertyzy, u tym liku ekśpiertyzy pa identyfikacyi zbroi, jakija mahli b paćvierdzić datyčnaść niepasrednych vykanaŭcaŭ da zabojstvaŭ Nihajana, Sienika i Žyźnieŭskaha», — dadała śledčaja DBR.

Volha Paŭluk padkreśliła, što praciahvajucca pošuki novych abstavin pieršych zabojstvaŭ na Majdanie, jakija patrabujuć dadatkovaj pravierki.

Raniej było paviedamlena ab padazreńni arhanizataram hetych złačynstvaŭ — byłomu prezidentu Viktaru Janukoviču, eks-ministru ŭnutranych spraŭ Vitaliju Zacharčanku i jaho namieśniku, a taksama kiraŭnikam Hałoŭnaha ŭpraŭleńnia MUS u Kijevie.

Biełarusa Michasia Žyźnieŭskaha zabili 22 studzienia 2014 hoda padčas Jeŭramajdanu ŭ Kijevie. Paźniej jaho pryznali Hierojem Ukrainy, a ŭ 2017 hodzie tahačasny prezident Piatro Parašenka pieradaŭ Zorku Hieroja baćkam. Zabojca dahetul nie znojdzieny.

Kamientary4

  • Baradzied
    22.01.2025
    Hieroji nie vmirajuť
  • FF
    22.01.2025
    Prabačcie, a što tam možna šukać 11 hadoŭ, kali jaho zabili z tabielnaj zbroi?
  • Vy ž sami ŭsio razumiejecie
    22.01.2025
    FF, imitujuć dziejnaść. Bo miantam treba charčavacca.

«U nas fobija žyvoj kamunikacyi. A seks mienš važny, čym dla minułych pakaleńniaŭ». Zumiery adkazvajuć na pretenzii da svajho ładu žyćcia4

«U nas fobija žyvoj kamunikacyi. A seks mienš važny, čym dla minułych pakaleńniaŭ». Zumiery adkazvajuć na pretenzii da svajho ładu žyćcia

Usie naviny →
Usie naviny

«Kab apynucca ŭ bambaschoviščy, u ciabie 6 siekund». Biełaruska raspaviała pra vałanciorstva ŭ Izraili, u tym liku pobač z Hazaj10

Tvarožnaja zapiakanka ź jabłykami — recept2

Čaćviertaja kniha ź sieryi pra Hary Potera pabačyła śviet1

Ad siońnia na 10 miesiacaŭ zakryŭsia most z vulicy Maskoŭskaj da płoščy Niezaležnaści. Jak budzie abjazdžać zvyčajny i hramadski transpart?

Zialenski: Paŭnočnakarejskija vojski viarnulisia na liniju frontu2

Apple moža zdać pryvatnyja danyja ŭsich svaich karystalnikaŭ u śviecie śpiecsłužbam Vialikabrytanii. Heta moža stać niebiaśpiečnym precedentam4

Nieabchodnyja hrošy na patreby Paliny Šarendy-Panasiuk sabrali za niekalki hadzin5

Tramp zapatrabavaŭ zakryć USAID za «karupcyju»8

Naščadki hotaŭ i fina-vuhraŭ navat bolš, čym mierkavałasia. Što nasamreč u hienach biełarusaŭ i litoŭcaŭ?46

bolš čytanych navin
bolš łajkanych navin

«U nas fobija žyvoj kamunikacyi. A seks mienš važny, čym dla minułych pakaleńniaŭ». Zumiery adkazvajuć na pretenzii da svajho ładu žyćcia4

«U nas fobija žyvoj kamunikacyi. A seks mienš važny, čym dla minułych pakaleńniaŭ». Zumiery adkazvajuć na pretenzii da svajho ładu žyćcia

Hałoŭnaje
Usie naviny →

Zaŭvaha:

 

 

 

 

Zakryć Paviedamić