U Biełarusi ŭstanoŭleny hranična dapuščalnyja taryfy na žyllova-kamunalnyja pasłuhi na 2025 hod. Adpaviedny ŭkaz Łukašenki №45 ad 30 studzienia 2025 hoda apublikavany siońnia na Nacyjanalnym pravavym internet-partale.

U vyniku žyllova-kamunalnyja płaciažy dla nasielnictva ŭ raźliku na typovuju dvuchpakajovuju kvateru z tryma čałaviekami pry narmatyŭnym spažyvańni pasłuh pavysiacca ŭ 2025 hodzie na 21 rubiel (0,5 bazavaj vieličyni).
Pavyšeńnie taryfaŭ budzie pravodzicca ŭ dva etapy: spačatku z 1 studzienia — na ŭsie pasłuhi, za vyklučeńniem aciapleńnia i haračaha vodazabieśpiačeńnia, na 17,05 rubla, zatym z 1 červienia — na ciepłavuju enierhiju dla met aciapleńnia i haračaha vodazabieśpiačeńnia na 3,95 rubla.
Padličana, što ŭ 2025 hodzie ŭdzielnaja vaha žyllova-kamunalnych płaciažoŭ u dachodzie siamji z troch čałaviek pry dvuch pracujučych, jakija atrymlivajuć siarednierespublikanskuju zarpłatu, składzie 3,8 pracenta, a siamji z dvuch piensijanieraŭ — 8,3 pracenta.
Kamientary