U Maskvie 11-hadovaja dziaŭčynka zabiła babulu, bo joj nie dazvolili pajści na prahułku
Jana nie chodzić u škołu i vučycca doma z-za prablem sa zdaroŭjem.

Školnica Vola (imia źmieniena) žyvie na vulicy Tvardoŭskaha z baćkami i 75-hadovaj babulaj. Jana nie chodzić u škołu i vučycca doma praz prablemy sa zdaroŭjem. 30 studzienia Vola była doma z babulaj. Paśla abiedu dziaŭčynka chacieła pajści pahulać, ale babula zabaraniła, bo ŭviečary da Voli pavinien byŭ pryjści repietytar, piša Baza.
Ola ašaleła. Dziaŭčynka pajšła na kuchniu, uziała nož i ŭdaryła babulu ŭ pravy bok.
Paśla taho, što zdaryłasia, žančyna ŭpała, a Vola vyrašyła, što ciapier joj možna pahulać, — dziaŭčynka vybiehła na vulicu i pačała kryčać, što jaje «babula pamierła».
Susiedka-adnahodka vyrašyła pravieryć darosłuju, padniałasia da jaje dadomu i ŭbačyła babulu ŭ kryvi, paśla čaho adrazu vyklikała chutkuju.
Babulu vyratavać nie ŭdałosia — pa danych krynic, žančyna pamierła ŭ mašynie chutkaj.
Na dziaŭčynku raspačali spravu pa artykule ab naŭmysnym pryčynieńni ciažkaha škody zdaroŭju, jakoje paciahnuła śmierć paciarpiełaha, ale sudzić dziaŭčynku nie buduć: adkaznaść pa hetym artykule nadychodzić z 14-hadovaha ŭzrostu.
Kamientary