U staličnym mikrarajonie «Uschod» pierakryli znakamityja kaskadnyja vadaspady na Ślapianskim kanale. Voś što zdaryłasia, piša Blizko.by.

Kaskadnyja vadaspady zrabili na Ślapianskim kanale jašče da pačatku 1980-ch hadoŭ, i tut zaŭsiody było šmat adpačyvajučych. Ciapier, praŭda, kupacca zabaroniena, jak i łavić rybu, ale rybaki ŭsio roŭna siadziać tut amal uvieś hod.
Uviečary ŭčora vadaspady ŭžo byli spynienyja.

Rabotniki «Minskvodakanała» raskazali, što vadaspad pierakryty na techničnyja pracy. Pa rehłamiencie heta treba rabić rehularna, kožny hod. Patrebna ačyścić sami kaskady (bietonnyja plity-stupieni, ź jakich padaje vada). Ale ŭ noč na siońnia i ranicaj u horadzie byŭ maroz, z-za jakoha pracy pačać nie atrymałasia.

Rabotniki čakali, kali stanie ciaplej. Praź niekalki hadzin tempieratura značna padniałasia, miascovaść vakoł achutała tumanam.

Rabotniki taksama raskazali, što kali ciopłaje nadvorje budzie praciahvacca, to vadaspady znoŭ zapuściać.
Kamientary