U Łondanskim zaaparku naradzilisia 33 redkija žabianiatki — ich vynasili taty
U Łondanskim zaaparku naradzilisia 33 žabianiatki, čyj vid rezka skaraciŭsia praz hrybok i razbureńnie asiarodździa pražyvańnia, piša Radyjo Svaboda.
Rynaderma Darvina — vadzianaja žaba, jakuju adkryŭ viadomy naturalist Čarlz Darvin, — u pryrodzie žyvie tolki na poŭdni Čyli i Arhienciny i adroźnivajecca ad inšych vidaŭ žab sposabam razmnažeńnia. Paśla apładnieńnia samcy źbirajuć ikrynki ŭ rot i vynošvajuć ich da źjaŭleńnia žabianiataŭ, paśla čaho vypuskajuć naščadkaŭ na volu.
U 2023 hodzie vyśvietliłasia, što kolkaść rynadermy Darvina skaraciłasia na 90% praz hrybok, jaki ličycca samym śmiarotnym dla ziemnavodnych. Za apošnija tryccać hadoŭ hrybok raspaŭsiudziŭsia pa ŭsim śviecie, źniščyŭšy nie mienš za 90 vidaŭ i zakranuŭšy sotni inšych. Zaraziŭšysia, žaby pamirajuć na praciahu niekalkich tydniaŭ.
Navukoŭcy paśpiašalisia ŭ Čylijski nacyjanalny park, kab vyratavać žab.
U kastryčniku 2024 hoda im udałosia złavić 55 rynaderm, u tym liku dziakujučy miascovym hidam, jakija pa-majstersku imitavali hałasy žab. Dźvie akazalisia ŭžo zaražanyja, astatnich pieravieźli ŭ Łondanski zaapark, u abstalavanaje pamiaškańnie ź imitacyjaj naturalnaha asiarodździa pražyvańnia.
Niekalki samcoŭ byli da taho momantu ciažarnyja i praz try miesiacy vyplunuli žabianiat. U zaaparku spadziajucca razmnožvać rynaderm i znajści leki ad hrybku, što dazvolić viarnuć žab dadomu. Film pra vyratavańnie rynaderm Darvina pakažuć na jutubie siońnia, 3 lutaha.
Ciapier čytajuć
Babaryka try chviliny adkazvaŭ na pytańnie, čyj Krym. Tak i nie adkazaŭ43
Kamientary
Šykoŭnaja fraza kab złamać mozh usim prychilnikam tradycyjnych skrep :))