Kala chutkasnaj trasy Hrodna — Minsk praciahvajecca ŭźviadzieńnie vialikaha kompleksu budynkaŭ. Paśla ŭviadzieńnia ŭ ekspłuatacyju industryjalny park zmoža pryniać dziasiatki kampanij.
Prajekt industryjalnaha parka ŭklučaje biznes-centr i hramadskija budynki — pad heta vyłučyli 8 tysiač kvadratnych mietraŭ. Taksama praduhledžana šeść vytvorčych placovak ahulnaj płoščaj bolš za 50 tysiač «kvadrataŭ» pad roznyja zadačy inviestaraŭ, piša «Narodnaja hazieta».
Na ŭźviadzieńnie industryjalnaha parka pojdzie kala 62 miljonaŭ rubloŭ.
— Siońnia ŭ SEZ «Hrodnainviest» viaduć spravy 80 pradpryjemstvaŭ, na jakich pracuje bolš za 18 tysiač čałaviek. Z momantu startu ŭ jakaści rezidentaŭ pradpryjemstvami pryciahnuta 1,8 miljarda dołaraŭ inviestycyj u asnoŭny kapitał. Stvareńnie i raźvićcio industryjalnaha parka daść mahčymaść pavysić inviestycyjnuju pryvabnaść rehijona i pryciahnuć srodki ŭ novyja siektary ekanomiki, — kaža namieśnik kiraŭnika administracyi SEZ «Hrodnainviest» Alaksandr Puhač.
Mašynabudavańnie, chimija, farmaceŭtyka, bijatechnałohii, vytvorčaść miedycynskich vyrabaŭ, inavacyjnych materyjałaŭ — na heta chočuć zrabić staŭku ŭ industryjalnym parku.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym5
Kamientary