Biełarus pasprabavaŭ atrymać hramadzianstva Ukrainy, bo jahonyja prodki ŭ 1918 hodzie nibyta žyli va UNR
Hramadzianin Biełarusi sprabavaŭ praz sud va Ukrainie paćvierdzić fakty žyćcia ŭ 1918 hodzie svaich dziaduli i babuli na terytoryi Ukrainskaj Narodnaj Respubliki i Ukrainskaj Dziaržavy, kab na hetaj padstavie atrymać hramadzianstva sučasnaj Ukrainy, zaŭvažyła «Radyjo Svaboda».
Jak stała viadoma «Radyjo Svaboda», u svajoj zajavie ŭ sud biełarus paviedamiŭ, što jahony dziadula naradziŭsia ŭ vioscy Płotnica Pinskaha pavieta (ciapier Stolinski rajon Biełarusi), a babula — u vioscy Vidzibor.
Jak vynikała ź lista, padrychtavanaha Instytutam historyi Nacyjanalnaj akademii navuk Ukrainy, nasielenyja punkty Vidzibor i Płotnica Stolinskaj vołaści Pinskaha pavieta sapraŭdy ŭvachodzili ŭ skład Ukrainskaj Narodnaj Respubliki zhodna z Bresckaj mirnaj damovaj i zakonam ab padziele Ukrainy na ziemli ad 6 sakavika 1918 hoda, a ŭ krasaviku-śniežni 1918 hoda — u skład Ukrainskaj Dziaržavy.
U toj ža čas hramadzianin Biełarusi nie zmoh dakazać u sudzie, što jahonyja svajaki stała žyli na terytoryi hetych nasielenych punktaŭ, bo, na dumku sudździaŭ, «naležnych i dapuščalnych dokazaŭ stałaha pražyvańnia dziaduli i babuli na terytoryi UNR i Ukrainskaj Dziaržavy zajaŭnik nie pradstaviŭ».
Pry hetym u sudovym rašeńni adznačajecca, što sud taksama atrymaŭ daviedku, datavanuju 27 studzienia 1966 hoda, jakuju vydali ŭ Śviata-Uźniasienskaj carkvie, što dziadula zajaŭnika z 12 žniŭnia 1946 hoda da 5 lutaha 1955 hoda pracavaŭ achoŭnikam i prybiralščykam carkvy, jakaja adnosiłasia da Stolinskaha prychodu Śviata-Michajłaŭskaj carkvy ŭ vioscy Vidzibor.
U pracesie razhladu zajavy sud dapytaŭ hramadzianina Biełarusi i jahonuju maci, ale paličyŭ, što ich pakazańni nie mohuć ličycca dokazami, pakolki jany abodva nie byli śviedkami padziej.
Apielacyjny sud paćvierdziŭ rašeńnie suda pieršaj instancyi ab admovie ŭ zadavalnieńni zajavy.
Zhodna z ukrainskim zakanadaŭstvam, hramadzianin Biełarusi moža abskardzić admovu ŭ kasacyjnym paradku.
Ukrainskaje zakanadaŭstva praduhledžvaje niekalki padstaŭ dla atrymańnia inšaziemcami hramadzianstva Ukrainy, u tym liku žyćcio prodkaŭ na terytoryi Ukrainskaj Narodnaj Respubliki i Ukrainskaj Dziaržavy, pakolki ŭ Kanstytucyi krainy vyznačana, što Ukraina źjaŭlajecca pravapierajemnicaj UNR, Zachodnieŭkrainskaj Narodnaj Respubliki, Ukrainskaj Dziaržavy i Ukrainskaj Savieckaj Sacyjalistyčnaj Respubliki.
Zhodna z zakonam ab hramadzianstvie, pretendent pavinien dakazać, što jahonyja prodki stała žyli na hetych terytoryjach.
Pradčuvańnie vajny i pieradziełu. Nie tolki z boku Rasii? — mierkavańnie
U Biełarusi FSB zatrymała syna «vahnieraŭca», jakoha abvinavačvajuć u supracoŭnictvie ź lehijonam «Svaboda Rasii»
U Polščy 11 čałaviek buduć sudzić za afarmleńnie falšyvych dakumientaŭ dla DNŽ i viz. Ich pasłuhami karystalisia i biełarusy
Ciapier čytajuć
Nam treba lidar-ataman? Historyk Cimoch Akudovič — pra stratehiju vyžyvańnia biełarusaŭ i što rabić z Rasijaj13
Kamientary
Nikakich takich dokumientov niet, poetomu vsie hos orhany niezakonny, kak i etot sud ))