Na Hrodzienščynie za try hady stała ŭ dva razy mienš hidaŭ-pierakładčykaŭ
Turystaŭ i ekskursavodaŭ u Hrodzienskaj vobłaści stała bolš, a kolkaść hidaŭ-pierakładčykaŭ skaračajecca, piša Hrodna.life.
Za apošnija try hady ŭ Hrodzienskaj vobłaści zastałosia ŭsiaho 11 atestavanych hidaŭ-pierakładčykaŭ z 20. Pry hetym i turystaŭ, i ekskursavodaŭ stała bolš.
U Hrodnie pracujuć siem hidaŭ-pierakładčykaŭ, jašče dva pracujuć u Hrodzienskim rajonie. Jany pavinny zadavolić popyt na ekskursii na roznych movach na Aŭhustoŭskim kanale, u Śviacku i inšych turystyčnych miescach, raskazaŭ načalnik upraŭleńnia sportu i turyzmu Hrodzienskaha abłvykankama Maksim Małachoŭski.
Pryčyna skaračeńnia kolkaści hidaŭ-pierakładčykaŭ prostaja — 80% zamiežnych turystaŭ ciapier pryjazdžajuć u Hrodna z Rasii, paviedamlaje «Hrodzienskaja praŭda».
U toj ža čas kolkaść ekskursavodaŭ u vobłaści z 2021 hoda vyrasła sa 122 da 161. Zaraz u Hrodnie pracuje 81 ekskursavod, 16 — u Navahrudskim rajonie i 14 — u Lidskim. Pa kolkaści ekskursavodaŭ Hrodzienskuju vobłaść čatyry hady zapar u Biełarusi abhaniaje tolki Minsk.
Sa studzienia pa kastryčnik 2024 hoda Hrodzienskuju vobłaść naviedała bolš za 800 tysiač turystaŭ. Čynoŭniki ŭpeŭnienyja, što ŭ 2025 hodzie asnoŭny turystyčny patok budzie iści z Rasii, Kitaja i Uźbiekistana.
Nahadajem, z 1 studzienia 2023 hoda pačali dziejničać novyja praviły ekskursijnaha absłuhoŭvańnia. Ekskursavody i hidy-pierakładčyki pavinny prachodzić dziaržaŭnuju atestacyju. Hidy abaviazanyja mieć pry sabie pieralik tem ekskursij, jakija jany abaranili, a taksama bejdž. Termin dziejańnia licenzii — piać hadoŭ.
U 2024 hodzie ekskursavodami i hidami-pierakładčykami ŭ Biełarusi zabaranili pracavać tym, kaho asudzili pa «ekstremisckich» artykułach, pryčym navat kali sudzimaść užo pahašanaja.
U 2024 hodzie 40 čałaviek z Hrodzienskaj vobłaści padali zajaŭki na atestacyju, ź ich jaje paśpiachova prajšli 22. Atestacyja ŭklučaje ŭ siabie tearetyčny błok i abaronu tekstu turystyčnaha maršrutu.
Z 2025 hoda ekskursavody buduć atrymlivać bejdžy novaha ŭzoru z QR-kodam, jaki ŭtrymlivaje infarmacyju pra hida i ekskursiju. Supracoŭnikam muziejaŭ atestacyja nie patrebnaja, ale akredytacyja patrabujecca, kali jany chočuć pravodzić ekskursii pa-za miežami muzieja.
Ciapier čytajuć
Pamiatajecie palitviaźnia Vituchnoŭskaha, jaki pajšoŭ vajavać za Rasiju? Jon užo zahinuŭ2
Pamiatajecie palitviaźnia Vituchnoŭskaha, jaki pajšoŭ vajavać za Rasiju? Jon užo zahinuŭ
«Siomaja DNK-ekśpiertyza paćvierdziła: Alaksiej ź biełaruskaj vioski Rymucieŭcy — baćka Chansa». Jak narviežac znajšoŭ baćku-biełarusa praz 78 hadoŭ66
Kamientary