Alaksandr Vučyč pakajaŭsia, što Sierbija prahałasavała ŭ AAN za rezalucyju z asudžeńniem Rasii
Prezident Sierbii Alaksandr Vučyč paprasiŭ prabačeńnia pierad suhramadzianami, što kraina prahałasavała ŭ AAN za jeŭrapiejskuju rezalucyju, jakaja asudžaje rasijskuju ahresiju suprać Ukrainy. Maŭlaŭ, heta zroblena pamyłkova.
«I, jak vy bačycie, ja kažu heta ŭ toj čas, kali całkam jasna, što praz heta ja straču prychilnaść ci palityčnyja bały ŭ ES. Ja dumaju, Sierbii varta było ŭstrymacca. Mnie niama kaho vinavacić, akramia siabie, u mianie nie było času razabracca z hetym u dastatkovaj stupieni», — skazaŭ Alaksandr Vučyč.
Za prajekt hetaj rezalucyi 24 lutaha ŭ AAN prahałasavali 93 krainy, suprać — 18, ustrymalisia — 65. Niezvyčajnym było ŭ paraŭnańni z papiarednimi hadami toje, što siarod tych, chto hałasavaŭ suprać, apynulisia ZŠA. U vyniku ŭpieršyniu z 2022 hoda akazałasia, što Rasija i ZŠA hałasavali pa pytańni vajny va Ukrainie ŭ AAN adnolkava — suprać rezalucyi z asudžeńniem Rasii.
Inšyja 16 krain, jakija hałasavali suprać — Biełaruś, Burkina-Faso, Burundzi, Vienhryja, Haici, Izrail, KNDR, Mali, Maršałavy astravy, Nihier, Nikarahua, Pałau, Sudan, Centralnaafrykanskaja Respublika, Ekvataryjalnaja Hvinieja, Erytreja.
Ciapier čytajuć
Ryta Dakota nabyła dom za niekalki miljonaŭ dalaraŭ kala Halivuda15
Ryta Dakota nabyła dom za niekalki miljonaŭ dalaraŭ kala Halivuda
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1515
Kamientary
A ciapier akazvajecca nie ŭ toj bok treba było.