Byłoha kandydata ŭ prezidenty Rumynii vyzvalili, ale zabaranili vyjazdžać z krainy
Zatrymanaha 26 lutaha kandydata ŭ prezidenty Rumynii Kelina Džardžesku vypuścili na volu. Ciapier jon budzie znachodzicca 60 dzion pad sudovym kantrolem i nie maje prava vyjazdžać z krainy, paviedamlaje Realitatea.
Kelin Džardžesku. Fota: AP Photo / Vadim Ghirda
Pavodle infarmacyi vydańnia, suprać Džardžesku raspačali kryminalnuju spravu, pakolki jaho padazrajuć u:
- padbuchtorvańni da dziejańniaŭ suprać kanstytucyjnaha ładu;
- raspaŭsiudzie chłuślivych źviestak;
- inicyjavańni abo stvareńni arhanizacyi fašysckaha, rasisckaha abo ksienafobskaha charaktaru;
- publičnym sadziejničańni asobam, vinavatym u ździajśnieńni złačynstvaŭ hienacydu suprać čałaviečnaści i vajennych złačynstvach;
- inicyjavańni abo stvareńni antysiemickaj arhanizacyi, ustupleńni ŭ takuju arhanizacyju abo padtrymańni jaje ŭ luboj formie.
Samym surjoznym abvinavačvańniem źjaŭlajecca padbuchtorvańnie da dziejańniaŭ suprać kanstytucyjnaha ładu.
Na hetym fonie Hienieralnaja prakuratura Rumynii ŭziała byłoha kandydata ŭ prezidenty pad sudovy kantrol na 60 dzion. U hety čas Džardžesku zabaroniena vystupać u ŚMI, stvarać akaŭnty ŭ sacyjalnych sietkach, nasić zbroju i pakidać krainu.
Kamientary